| e-texts navigator |
| Wylie |
249a1 པའི་ལྷ་རྣམས་བསྒོམ།། སློབ་དཔོན་མཐར་ཉེའི་ལམ་གནས་པས།། རྒྱང་གྲགས་དཔག་ཚད་ལ་སོགས་པ།། རྡོ་རྗེ་ཐིག་ཚད་བོར་ཙམ་གྱིས།། ཕྱག་རྒྱའི་དཀྱིལ་འཁོར་གསལ་ལྡན་པ།། སྣ་ཚོགས་དཀྱིལ
249a2 འཁོར་མཆོག་ཏུ་གསུངས།། དང་པོ་རྒྱང་གྲགས་དཀྱིལ་འཁོར་ཏེ།། དེ་ནས་དཔག་ཚད་དཀྱིལ་འཁོར་ཉིད།། ནམ་མཁའི་དབྱིངས་ནི་བསམ་ཡས་པར།། སངས་རྒྱས་དཀྱིལ་འཁོར་སྣ་ཚོགས་བསྒོམ།། དེ་ནས་ཡོ་བྱད
249a3 ལྔ་ལྡན་པས།། ཏིང་འཛིན་མོས་པ་སྤྱོད་མཐུན་པའི།། སྐྱེ་བོ་ཙམ་དུ་གྲངས་མཐུན་པས།། ཚོམ་བུས་འདོད་པའི་དོན་བསྒྲུབ་བྱ།། ཐབས་དང་ཤེས་རབ་འབྲེལ་པ་ཡི།། ཕོ་མོ་འདུས་པའི་གྲངས་མཉམ་པར།། ཡོ་བྱད
249a4 འདུས་པའི་ཚོགས་ལྡན་པས།། དགོན་པར་འཁོར་ཁང་རབ་བརྩིགས་ཏེ།། རང་རང་ཐབས་དང་ཤེས་རབ་ཏུ།། བརྟགས་ཏེ་ཡོ་བྱད་ལོངས་སྤྱད་ཅིང་།། རྡོ་རྗེ་གླུ་བྲོ་གར་ཐབས་ཀྱིས།། ཞག་ནི་སུམ་ཅུ་ཕྲག་དྲུག
249a5 གམ།། བཅུ་གཉིས་བཅུ་བཞི་བཅུ་དྲུག་གིས།། ཚེ་ལ་དབང་སྒྱུར་ཟག་མེད་ཐོབ།། དེ་ནས་བརྒྱ་ཕྲག་བཅུ་དྲུག་གིས།། སྐུ་ལྔ་ལྷུན་གྱིས་གྲུབ་པར་འགྱུར།། སྐྱེ་བོ་མཛའ་བ་ཀུན་ཚོགས་པ།། རྣལ་འབྱོར་འདུས་པའི
249a6 ཚོགས་ཞེས་བྱ།། འབྱོར་པའི་ལོངས་སྤྱོད་ཚང་བ་ནི།། བདེ་བའི་ལོངས་སྤྱོད་ཚོགས་སུ་བཤད།། ལྷ་དང་དམ་ཅན་ཀུན་འདུས་པས།། འདུས་པ་ཆེན་པོའི་ཚོགས་སུ་གསུངས།། ཐམས་ཅད་སྤྱོད་པ་མི་འཛིན
iiif viewer powered by OpenSeadragon
