| e-texts navigator |
| Wylie |
248b1 པའི་ཕྱག་རྒྱ་ཆེན་པོ་ཉིད།། ཞི་དང་ཁྲོ་བོ་སྐབས་ཉིད་དུ།། ཇི་ལྟར་འཐད་པར་བསྒོམ་པར་བྱ།། ཡང་ན་ཞལ་གཅིག་ཕྱག་གཉིས་ཏེ།། ཡང་ན་ཞལ་གསུམ་ཕྱག་དྲུག་བསྒོམ།། གནས་གཅིག་གནས་གསུམ་གནས་ལྔར
248b2 ཡང་།། ཡན་ལག་ལྷ་ནི་ཚང་བར་བསྒོམ།། གོམས་ནས་བསྟིམས་ཏེ་སྤྱོད་ཡུལ་ཀུན།། དེ་ལྟར་གསལ་བར་བརྟག་པར་བྱ།། རྩ་བ་གཅིག་པའི་ལྷ་བསྒོམ་པ།། ཕྱག་རྒྱ་གཅིག་པའི་རྣལ་འབྱོར་ཡིན།། སྒོ་གསུམ་བསྒོམ
248b3 ལ་རབ་འབད་པས།། རྣམ་པར་གཡེང་བའི་ཆོས་སྤྱོད་འདས།། མ་ལུས་རྩ་བའི་སྤྱོད་པ་སྟེ།། ཕྱོགས་གཅིག་པ་ཡི་སྤྱོད་པར་གསུངས།། དེ་ནས་རྟོག་པའི་ཡན་ལག་དག། གཉིས་ཀ་ཐབས་དང་ཤེས་རབ་ཏུ།། བརྟགས
248b4 ཏེ་དེ་ལྟར་བསྒོམ་པར་བྱ།། འོད་ཟེར་འཕྲོ་བ་འབྲུ་གསུམ་ཉིད།། ཡང་ན་ཡེ་ཤེས་ལྔ་ཉིད་དེ།། གནས་གཅིག་སྙིང་པོར་གནས་པར་བྱ།། དེ་བཞིན་གཙོ་བོ་གཙོ་མོ་དང་།། སེམས་དཔའ་དང་ནི་སེམས་མ་དང་།། ཁྲོ་བོ་ཁྲོ
248b5 མོ་སྤྲུལ་པ་དང་།། ཡིད་ཆོས་དག་ལའང་ཤེས་པར་བྱ།། ཞལ་དང་ཕྱག་དང་ལྷ་གྲངས་དང་།། ཚོམ་བུ་སྤྲོས་པས་སྤྲོས་བཅས་ཡིན།། སྐུ་གསུང་ཐུགས་དང་ཡོན་ཏན་ལས།། ཚོམ་བུ་ལྔ་ལ་ཁྲོ་བཅས་བསྒོམ།། ཡང་ན་སྐུ
248b6 གསུང་ཐུགས་ལྡན་པའི།། ཚོམ་བུ་གསུམ་དང་བཅས་པ་ཡི།། ཁྲོ་བོ་ཁྲོ་མོ་འཁོར་དུ་བསྒོམ།། རིགས་ཀྱི་གཙོ་སྟེ་ཐུགས་ཀྱི་མཆོག། ཁྲོ་བོ་ཚོགས་དང་བཅས་པ་ཡི།། མོས་པའི་ཚུལ་དང་སྦྱོར་བ་ཡིས།། ཚོམ་བུ་གཅིག
iiif viewer powered by OpenSeadragon
