| e-texts navigator |
| Wylie |
247b1 པ།། གང་གི་ངོ་བོར་མ་གྲུབ་པ།། ཅི་ལའང་མི་གནས་སྦྱོར་བ་ཡིས།། རང་སར་མི་རྟོག་ངོ་བོ་ཉིད།། བཅོས་པ་མེད་པའི་ཚུལ་དུ་བསྒོམ།། གལ་ཏེ་མཚན་མའི་རྒྱུ་བ་དག། ཆུ་ལས་རྙོག་པའི་ཚུལ་བྱུང་ན།། མ་བཅོས་རང
247b2 བཞིན་བཞག་པ་ཡིས།། མ་ལུས་རྟོག་མེད་དེ་བཞིན་ཉིད།། རང་བཞིན་བཞག་པས་དག་པར་འགྱུར།། ནམ་མཁའ་དག་པར་འགྱུར་བའི་ཚེ།། སྤྲིན་ཀྱང་རང་འབྱུང་དག་པ་ལྟར།། བྱུང་ཚོར་དྲན་རྟོག་མ་ལུས་པ།། ཆོས
247b3 ཉིད་སྟོང་པའི་རང་བཞིན་ནོ།། གང་དུ་སྣང་སྲིད་མ་ལུས་པ།། ཕྱི་ནང་མེད་པའི་སེམས་ཉིད་དེ།། དེ་ཉིད་སྟོང་པའི་རང་བཞིན་དུ།། གོམས་ཤིང་ནུས་པ་བརྟན་པའི་ཚེ།། དེ་ཉིད་རྣལ་འབྱོར་དེ་ཉིད་ནི།། སྟོང་པ་ཆེན་པོ
247b4 རྣལ་འབྱོར་ཡིན།། སྒོ་གསུམ་བྱེད་སྤྱོད་མ་བཅོས་པ།། མ་བརྟགས་མི་རྟོག་ཅིང་མི་གནས།། འདི་ནི་རྣལ་འབྱོར་རྩེ་གཅིག་པས།། བྱ་བ་སྤངས་པའི་སྤྱོད་པ་ཡིན།། དེ་ནས་དེ་ལས་ལངས་པའི་ཚེ།། སྒྱུ་མ་ཆུ་ཟླ་སྨིག་རྒྱུ
247b5 དང་།། འཇའ་ཚོན་དབུ་བ་ཆུ་བུར་ལྟར།། སྣང་ཡང་དངོས་པོར་གནས་མ་ཡིན།། རིག་པ་ཕྱི་ནང་མ་ལུས་པ།། སྟོང་པའི་ཆོ་འཕྲུལ་སྣང་དུ་ཟད།། མ་ལུས་རིག་པའི་ངོ་བོ་སྟེ།། དེ་ཡང་སྒྱུ་མའི་རང་བཞིན་ལྟར།། ཞེན
247b6 ཆགས་མེད་པའི་ཚུལ་དུ་བསྒོམ།། ཡེ་ཤེས་སྒྱུ་མའི་ཆོ་འཕྲུལ་ནི།། དཔག་མེད་ངོ་བོར་རང་སྣང་ཡང་།། བྱིན་བརླབས་ཆོ་འཕྲུལ་རང་སྣང་བ།། དེ་ལྟར་མ་རྟོགས་དམན་པ་ལ།། རང་འབྱུང་སྙིང་རྗེར་འཆར་བའི
iiif viewer powered by OpenSeadragon
