| e-texts navigator |
| Wylie |
247a1 ལོ་ཐིག་ལེ་མཆོག། སྤྱོད་ཡུལ་ཐུན་མོང་མ་ལུས་པ།། ཕྱི་ཡི་རྣམ་པ་ལམ་བྱེད་པས།། ཐུན་མོང་ཕྱི་ཡི་ལམ་དུ་བཤད།། དེ་ཉིད་ནང་དུ་རྩ་འཁོར་ལོ།། ཐིག་ལེས་ནང་དུ་ཉམས་སྐྱེད་པ།། རིམ་པ་འདི་ནི
247a2 ནང་དུ་བཤད།། དབང་ཐོབ་སྦྱངས་པ་མ་རྟོགས་པ།། སྐལ་ངན་རིགས་ཆད་ཡུལ་མིན་པ།། གསང་བས་གསང་བ་ཞེས་བཤད་དོ།། དང་པོར་བློ་ལྡན་གང་ཟག་ནི།། མ་ལུས་བདེན་པ་དབྱེར་མེད་ལ།། རང་བཞིན་རིག
247a3 པའི་གཏན་ཚིགས་ཀྱིས།། ཕུང་པོ་ཁམས་དང་སྐྱེ་མཆེད་ལ།། ཐབས་དང་ཤེས་གཉིས་མེད་པའི་དོན།། ཡེ་ནས་སངས་རྒྱས་རྫོགས་པ་ཉིད།། དེ་ཉིད་དུས་གསུམ་མ་སྐྱེས་པ།། གང་ལ་བརྟེན་ནས་རྟོགས་པ་ལ།། ལམ
247a4 གྱི་ཡན་ལག་ཀུན་རྫོགས་ཏེ།། ས་བཅུ་རིམ་པར་མ་བཀོད་རྫོགས།། མ་ལུས་ཡོན་ཏན་རང་ཤར་བས།། ཐམས་ཅད་མ་ལུས་མ་འདའ་ལ།། ཚོགས་གཉིས་རྫོགས་པའི་འབྲས་བུ་ཉིད།། དབང་པོ་ཅིག་ཅར་སྤྱོད་ཡུལ
247a5 ཡིན།། གང་སུ་བློ་དང་མོས་པ་དང་།། རྟོགས་ཆུང་མཚན་མ་དགའ་བ་ལ།། ཐུན་མོང་སྒོ་མཐུན་ཁྱད་པར་ཅན།། རིམ་པའི་རྣལ་འབྱོར་བསླབ་པར་བྱ།། དང་པོར་ཕྱི་ནང་སྣོད་བཅུད་ཀུན།། རང་ས་ཉིད་ན་མི་དམིགས
247a6 པ།། མ་བཅོས་མ་བཙལ་མི་གནས་པ།། དངོས་པོ་ཅི་ལའང་མི་བརྟག་ཅིང་།། དེ་ཉིད་ལ་ཡང་མི་རྟོག་པ།། འཛིན་རྟོག་ཞེན་པ་མི་གནས་པར།། བསམ་དང་བསམ་བྱ་མེད་ཚུལ་གྱིས།། བདག་གཞན་ཕྱི་ནང་མ་ལུས
iiif viewer powered by OpenSeadragon
