| e-texts navigator |
| Wylie |
246b1 གནས་པ་གང་ཡིན་པ།། དེ་དག་ཉིད་དུ་བཤད་པ་ཡིན།། དྷརྨ་ཙཀྲ་གཞལ་ཡས་ཁང་།། རྩ་བཞི་ཡན་ལག་བརྒྱད་དཀྱིལ་ན།། ཨེ་བཾ་མ་ཡ་ལས་བཞི་དབྱིབས།། ཁ་དོག་ལས་ཀྱིས་གཙོར་གྱུར་པ།། བག་ཆགས་ས་བོན
246b2 སྙིགས་མ་དང་།། རྟོག་དང་ཐ་མལ་ཞེན་པའི་རྫས།། ཉམས་མྱོང་འགྱུར་མེད་བཞིར་གནས་ཏེ།། ཐིག་ལེས་དེ་ཉིད་ཞི་བ་དང་།། རང་ལུས་ཕྱི་ནང་ཐིག་ལེས་རྒྱས།། རླུང་དང་ཐིག་ལེ་རྟོག་པར་བཅས།། ནུས་པས་དབང
246b3 དུ་འདུས་པ་དང་།། ཐིག་ལེས་མ་བཅོས་ནམ་མཁའི་ངང་།། སྲོག་དང་ཐིག་ལེར་བཅས་བསྡུས་པ།། ཨ་ཡི་ངང་དུ་ཐིམ་འགྱུར་དེ།། རྒྱུ་བ་དྲངས་ཤིང་འཕར་བ་གནོན།། མི་འགྱུར་དབྱིངས་ལ་གནས་པར་བྱ།། རང
246b4 ལུས་ཐབས་ཀྱི་ངོ་བོ་ལས།། འཁོར་ལོ་བཞི་དང་མེ་རླུང་དང་།། བསྐྱོད་པ་རླུང་གིས་ལས་རུང་བས།། ནམ་མཁའི་ཡེ་ཤེས་ཅིར་ཡང་གསལ།། ཐིག་ལེས་རྒྱུད་དང་ལུས་རྒྱས་པས།། བདེ་ཆེན་དབང་ཐོབ་ཞེན་ཆགས
246b5 བྲལ།། ཏིང་འཛིན་སྦྱོར་བས་གང་བསྐུལ་ན།། རིམ་པའི་རྟགས་དང་ནུས་པ་བྱུང་།། ཁ་དོག་གྲངས་དང་སྙིང་པོ་དང་།། དབྱིབས་དང་ཚད་དང་ཐིག་ལེ་ཡི།། ཁྱབ་པ་ལ་སོགས་མཐའ་ཡས་པ།། བཞུགས་ཚུལ་དེ་ཉིད་དེ
246b6 བཞིན་ནོ།། འཁོར་ལོ་བཞི་ཡི་ཐབ་ཁུང་དུ།། གཏུམ་མོ་བྱིན་ཟའི་ལས་བསྐུལ་བས།། དངས་སྙིགས་རྟོག་པའི་བག་ཆགས་དག། མི་ཤིགས་ཐིག་ལེར་མཆོད་པ་ཕུལ།། ཕྱི་ནང་རྒྱུ་བ་མ་ལུས་པ།། རང་འབྱུང་འཁོར
iiif viewer powered by OpenSeadragon
