| e-texts navigator |
| Wylie |
244a1 ཡིན།། དེ་ནས་གསང་བ་བཤད་བྱ་བ།། ཐབས་དང་ཤེས་རབ་འབྲེལ་པ་ལས།། གསང་བའི་ཕྲིན་ལས་བཞིར་འབྱུང་བ།། དཀའ་ཐུབ་ཅན་དང་ཐ་མལ་དང་།། ཐུན་མོང་ལམ་ལས་བཟློག་ཕྱིར
244a2 རོ།། འདོད་ཆགས་ཞེན་ཅིང་དབང་པོ་སྨིན།། ཚད་ལྡན་ཡུམ་དང་བཅས་པ་ཡི།། བདེ་ཆེན་དགོན་པ་ཐིག་ལེའི་གནས།། ཡོན་ཏན་ཁྱད་པར་ཀུན་ཏུ་རྫོགས།། གཉིས་མེད་འཁྲིལ་བའི་ངོ་བོ་ནི།། བདེ་བ་ཆེན་པོ་འབྱུང
244a3 བའི་གནས།། གསང་བའི་བྷ་ག་རྒྱས་པ་ནི།། ཞི་རྒྱས་དབང་དྲག་ཚུལ་བཞིན་དག། ནུས་པ་བྱིན་བརླབས་གང་ལྡན་པ།། གསང་བའི་ཐིག་ལེའི་ཚུལ་ལ་གནས།། པདྨ་གསང་བའི་ཐབ་ཁུང་དུ།། གསང་བའི་སྦྱིན་སྲེག
244a4 གང་ཕུལ་བ།། ལོ་དང་ཟླ་བ་མ་ཡིན་པར།། མྱུར་དུ་བདེ་ཆེན་ལུས་སུ་འགྱུར།། ཐབས་དང་ཤེས་རབ་ལས་བྱུང་བའི།། དངས་སྙིགས་བཅུད་དང་བག་ཆགས་དང་།། ཉི་ཟླ་ཁུ་བར་བཅས་པ་ནི།། བདེ་ཆེན་གསང་བ
244a5 མཆོད་པའི་རྫས།། གདུང་དང་བདེ་བ་བྲལ་བ་དང་།། ཞེན་རྟོག་དེ་ཉིད་ཆགས་པ་ཡི།། རང་གི་ལིངྒ་དེ་ཉིད་ལ།། གསང་བའི་ཕུར་པ་བཞི་རྫོགས་པ།། གསང་བའི་ཡུལ་ལ་བཏབ་པ་ཡིས།། ལྷན་ཅིག་སྐྱེས་པའི་ཏིང
244a6 འཛིན་ལ།། ལས་བཞི་མ་བཙལ་རྫོགས་པར་ལྡན།། རོལ་པའི་ཚུལ་དང་ཐིག་ལེ་གཉིས།། པདྨ་རྡོ་རྗེ་སྙིང་པོའི་རྩ།། ཉམས་དང་སྦྱོར་ཚུལ་གང་ཡིན་པ།། གསང་བའི་སྦྱོར་བའི་དུས་སུ་བལྟ།། གནས་པ་རྩ་ཡི་ཚུལ་དག
iiif viewer powered by OpenSeadragon
