| e-texts navigator |
| Wylie |
243b1 རྟོགས་བཅས།། ནམ་མཁའི་གཟུགས་ཅན་ཉིད་དུ་སྐྱེ།། ལུས་དང་སྣང་བར་བཅས་པ་ཡི།། ནམ་མཁའི་མཐའ་ལྟར་མི་ཕྱེད་པ།། བདེ་ཆེན་ཐིག་ལེ་ཨ་དང་གནས།། ཐིག་ལེ་སྟོང་པའི་རི་མོ་ཅན།། གསལ་བར་ཤེས་པ
243b2 རྒྱུ་བས་མངོན།། འོག་ནས་བསྐུལ་ཞིང་སྟེང་ནས་མནན།། དྭངས་སྙིགས་བསྲེ་བའི་ཐབས་ལ་འཇུག། བདེ་བའི་རླུང་ཅན་ཡཾ་གི་སྒོ།། བསྐྱོད་པའི་སྦྱོར་བས་གྱེན་དུ་ཕུལ།། རྒྱུ་བ་རླུང་གི་སྙིང་པོ་ཅན།། དཔའ་བོ
243b3 ལམ་ནས་ཐུར་དུ་འཐེན།། རིག་པའི་ཡེ་ཤེས་གནས་པའི་རླུང་།། སྟོང་ཉིད་ནམ་མཁའི་དབྱིངས་སུ་ཐིམ།། ཕྱི་ནང་རྒྱུ་བ་ཆད་པ་དང་།། རིག་པ་ཐིག་ལེའི་ངང་ལ་གནས།། བདེ་བའི་རྟགས་ནི་འབྱུང་འགྱུར་ཏེ།། འདར
243b4 དང་རྡུལ་དང་བ་སྤུ་ལྡང་།། སྒྲ་དང་ལུས་བདེ་རྒྱུག་པ་དང་།། དགོད་དང་བརྒྱ་ལ་སོགས་གང་བྱུང་བ།། བརྟན་དང་སྦྱང་བའི་ཆོ་ག་བྱ།། མི་མཐུན་ལོག་པའི་ཆོས་བརྟགས་ན།། ཐབས་ཀྱི་རིམ་པའི་ཆོ་ག་ཡིས།། གདོན
243b5 དང་སྤོས་དང་གནོན་པ་དག། ཇི་ལྟར་རིགས་པར་བརྟག་པར་བྱ།། རང་ལུས་ཐིག་ལེའི་ཉམས་མྱོང་ལ།། བར་ཆད་མེད་པར་གསལ་འཇུག་པ།། ཐ་མལ་ཞེན་པ་བསྒྱུར་བ་དང་།། བདེ་བའི་དབང་ཕྱུག་སྨིན་པ
243b6 དང་།། དྲན་རྟོགས་རྒྱུད་སོགས་ཞི་བ་དང་།། བདེ་ཆེན་རྒྱས་པས་ཁྱབ་པ་དང་།། རླུང་དང་བདེ་བའི་རྣལ་འབྱོར་གྱིས།། ཐམས་ཅད་དབང་དུ་སྡུད་པ་དང་།། དྲན་རྟོག་ཨ་ཡི་ངང་དུ་གནས།། འདི་ནི་དབང་གི་རིམ་པ
iiif viewer powered by OpenSeadragon
