| e-texts navigator |
| Wylie |
242b1 ལས་བྱས་ཏེ།། གུང་ལ་རྒྱས་པ་ཉིད་དུ་བྱ།། དགོངས་ཀ་དབང་གི་དུས་ཉིད་དེ།། དྲག་པོ་ནམ་གྱི་གུང་ལ་བྱ།། ནམ་ཟླ་དུས་བཞིར་བསྒྲུབས་པས་ན།། ངེས་པར་ལས་བཞི་འགྲུབ་པར་འགྱུར།། ཨོཾ་ཆེ་གེ་མོ་ཤཱནྟི་ཀུ་རུ་སྭཱ
242b2 ཧ། སྣ་ཆེ་གེ་མོ་པུཥྚིཾ་ཀུ་རུ་སྭཱ་ཧཱ། ཧྲཱི་ཆེ་གེ་པ་ཤཾ་ཀུ་རུ་སྭཱ་ཧཱ། ཧཱུཾ་ཆེ་གེ་མོ་མཱ་ཡ་ར་ཕཊ། ལིངྒའི་གནས་ཀྱང་ལས་བཞིའི་དབྱིབས།། དགུག་དང་ཕུར་བུ་བཞི་བཏབ་ལ།། རིལ་བུའམ་ལྷག་མ་གཏུབས་པ་དེ།། སོ་སོ་ལྷ་ཡི
242b3 ཞལ་དུ་བསྟབས།། རྩེ་མོ་ཞི་བྱེད་ཡལ་ག་རྒྱས།། སྡོང་པོ་དབང་ལ་རྩ་བ་དྲག། ཁ་དང་མངར་སྒྱུར་ཚ་བའི་ཤིང་།། རོ་ཡི་མཆོད་པ་དེ་བཞིན་ཏེ།། རྒྱུད་བཟང་རྒྱལ་པོ་སྨད་འཚོང་མ། ཤན་པའི་ཁྱིམ་ནས་མེ་བླངས
242b4 ཏེ།། ལས་དང་མཐུན་པའི་ར་སྐྱེས་མནན།། ས་བོན་བཞི་ལས་རིམ་པ་བཞིན།། བ་བ་ཀ་དང་དབང་ཆེན་དང་།། གཟི་བྱིན་ཅན་དང་འཇོམས་བྱེད་བཞི།། སྐུ་དམོག་ལས་བཞིས་ཕྱེ་བ་སྟེ།། གུན་དྷེ་སྒྲོམ་དང་ཞགས་པ
242b5 དང་།། རྩེ་གསུམ་གཡོན་པ་བགྲང་ཕྲེང་ཉིད།། རིགས་བཞིས་ལས་བཞི་བྱིན་བརླབས་དབུ།། སྤྱན་དྲང་མཆོད་སྟོན་ལས་རྫོགས་ནས།། ལྟོ་བར་བྷྲཱུཾ་ལས་གཞལ་ཡས་སུ།། ལས་དང་མཐུན་པའི་ལྷ་བསྐྱེད་ལ།། རང་རང
242b6 རྟོག་པའི་ཆོ་ག་བཞིན།། བསྲེག་དང་བྲོ་གར་ལས་བྱས་པས།། གང་ཡང་འགྲུབ་པར་ཐེ་ཚོམ་མེད།། ཞེ་སྡང་ཅན་དང་ང་རྒྱལ་ཅན།། སྡུག་བསྔལ་གདུག་སེམས་ནད་གཟིར་བ།། དེ་འདྲ་ཞི་བར་བྱ་བའི་ཕྱིར།། ཞི་བའི
iiif viewer powered by OpenSeadragon
