| e-texts navigator |
| Wylie |
242a1 བསྐྱེད།། རང་རང་ས་བོན་གདན་སྟེངས་ལ།། འོད་བཞི་འཕྲོ་འདུའི་ཆོ་ག་ཡིས།། ལས་བཞི་གཙོ་བོ་ལས་བཞིན་བསྐྱེད།། འཁོར་མང་གཙོ་བོའི་ཆ་འདྲ་བ།། ཕྱག་མཚན་རང་རང་ཐུགས་རྟགས
242a2 ལ།། ལས་བཞི་རྟགས་ཀྱི་མཚན་མ་སྟེ།། ཁ་དོག་ལས་ཀྱིས་དབྱེ་བར་བཤད།། དབང་བསྐུར་ལས་བཞི་རིགས་ཀྱིས་བརྒྱན།། ལས་བཞི་འོད་ཀྱི་འཕྲོ་འདུ་ཅན།། ཆོ་གས་གསལ་བར་བསྐྱེད་བྱས་ལ།། སྤྱན་དྲང་བསྟིམ
242a3 སོགས་ལས་རྫོགས་བྱ།། ལས་དང་ཏིང་འཛིན་བཞི་ཉིད་ཀྱིས།། ལས་བཞི་རྩེ་གཅིག་ཏིང་འཛིན་བྱ།། གང་དུ་དམིགས་པ་རྩེ་གཅིག་པས།། ལས་བཞི་བྱ་བའི་ཆོ་ག་དག། མ་ལུས་པ་དག་འགྲུབ་འགྱུར་ན།། ཕྲ་མོའི
242a4 ལས་རྣམས་སྨོས་ཅི་དགོས།། ཤར་ཕྱོགས་སུ་ནི་ཁ་བལྟས་ཏེ།། དང་བའི་ཡིད་ནི་མི་གཡོ་བས།། རྫོགས་པའི་སྐྱིལ་ཀྲུང་ལ་གནས་ཏེ།། མ་རུངས་གདུག་པ་ཞི་བར་བྱ།། ལྷོ་ཕྱོགས་སུ་ནི་ཁ་བལྟས་ཏེ།། དགའ་བའི་འདུ
242a5 ཤེས་རྩེ་གཅིག་པས།། རིན་ཆེན་སྐྱིལ་ཀྲུང་ལ་གནས་པས།། དཔལ་དང་གཟི་བྱིན་འཕེལ་བར་བྱ།། ནུབ་ཀྱི་ཕྱོགས་སུ་ཁ་བལྟས་ཏེ།། ཆགས་དང་ཞེན་པ་རྩེ་གཅིག་པ།། པདྨའི་སྐྱིལ་ཀྲུང་ལ་གནས་ཏེ།། མ་ལུས་དབང
242a6 དུ་བསྡུ་བར་བྱ།། བྱང་ཕྱོགས་ཉིད་དུ་ཁ་བལྟས་ཏེ།། ཁྲོས་པའི་སེམས་ཀྱིས་སོ་བཅའ་ཞིང་།། རུས་སྦལ་དང་ནི་གྱད་སྟབས་ཀྱིས།། གདུག་པ་བསྒྲལ་ཏེ་ལམ་དུ་གཞུག། སོ་སོའི་སྔགས་ཀྱི་རིམ་པ་དག། སྔ་དྲོ་ཞི་བའི
iiif viewer powered by OpenSeadragon
