| e-texts navigator |
| Wylie |
241a1 ཞི་བའི་ལྗོན་ཤིང་མེ་ཏོག་ཚལ།། འབྲས་ལྡན་རྒྱས་པའི་རང་བཞིན་ནོ།། སུམ་མདོ་ངམ་གྲོག་གཏིང་ཟབ་པས།། དབང་དུ་བསྡུ་བའི་གནས་སུ་བཤད།། དུར་ཁྲོད་མཚན་གཅིག་རྒྱ་གྲམ་གནས།། འབྱུང
241a2 པོ་འདུ་སར་དྲག་པོ་ཤིས།། ཞི་ལ་ས་གཞི་དཀར་ལྡན་པ།། ཟླུམ་པོ་སུམ་རིམ་ཨོཾ་དང་བཅས།། འཁོར་ལོ་འོད་དཀར་དང་བཅས་པ།། ཞི་བའི་ཟབ་ཀྱི་རང་བཞིན་ནོ།། རྒྱས་ལ་སེར་པོ་ཙནྡན་བཅས།། གྲུ་བཞི་རིམ
241a3 གསུམ་ཏྲཾ་དང་བཅས།། རིན་ཆེན་འོད་ཟེར་འཕྲོ་བཅས་པ།། ཟབ་ནི་རྒྱས་པར་གསུངས་པ་ཡིན།། དབང་ལ་ས་དམར་ཆགས་འོད་ཅན།། ཟླ་གམ་གཞུ་འདྲ་པདྨས་མཚན།། རིམ་གསུམ་ཧྲི་དང་བཅས་པ་ནི།། དབང་དུ
241a4 བྱ་བའི་ཟབ་ཡིན་ནོ།། དྲག་པོ་ས་ནག་དུར་སོལ་ཅན།། གྲུ་གསུམ་རྡོ་རྗེ་རྩེ་གསུམ་གདེང་།། ཐོད་ཕྲེང་འོད་ནག་རིམ་གསུམ་ཧཱུཾ།། དྲག་པོ་ཟབ་ཀྱི་རིམ་པ་ཡིན།། འོ་མ་ཅན་དང་གསེར་ཅན་དང་།། ཆགས་པ་ཅན་དང
241a5 ཚེར་མ་ཅན།། ཕྲིན་ལས་བཞི་ནི་སོ་སོ་ཡི།། ཡམ་ཤིང་བསྲེག་ཤིང་ཉིད་དུ་བཤད།། ལིངྒ་ཁ་དོག་སོ་སོ་སྟེ།། གནས་ཀྱང་ཟབ་ཁུང་བཞི་དང་མཚུངས།། མར་དཀར་འབྲས་དཀར་ཏིལ་དཀར་དང་།། ནས་དཀར་ཆན
241a6 དང་འོ་མ་ཞོ།། དངུལ་ཕྱེ་གཏོར་མ་དཀར་པོར་བཅས།། ཞི་བའི་བསྲེག་གཏོར་རྫས་སུ་བཤད།། མར་རྙིང་བུ་རམ་སྦྲང་རྩི་དང་།། འབྲས་དང་ཆན་རྣམས་ལྡོག་རོས་དང་།། མེ་ཏོག་གསེར་དང་ཙནྡན་བཅས།། གསེར་ཕྱེ
iiif viewer powered by OpenSeadragon
