| e-texts navigator |
| Wylie |
240b1 ཅིང་།། མི་འགྱུར་ཆོས་སྐུ་ཐིག་ལེ་ལ།། རྒྱུ་བ་སྤངས་པའི་ཚུལ་གྱིས་གནས།། བདེ་ཆེན་ཆོ་འཕྲུལ་དཔག་མེད་པས།། གསང་བའི་ཞིང་ཁམས་དག་བྱེད་ཅིང་།། གསང་བ་ཆོས་ཀྱི་འཁོར་ལོ་བསྐོར།། བདེ་ཆེན་ཉམས
240b2 དང་དགའ་བའི་གར།། ཆགས་པའི་སྒྲ་ནི་སྣ་ཚོགས་པས།། ཇི་སྲིད་ནམ་མཁའི་མཐར་ཐུག་པར།། གླུ་ནི་སྣ་ཚོགས་ལེན་བྱེད་ཅིང་།། མཛེས་དང་ངོ་ཚ་སྤངས་པའི་ཚུལ།། མདོག་དམར་རླན་དང་ལྡན་པ་ཡིས།། རོལ
240b3 པའི་ཚུལ་ནི་སྣ་ཚོགས་ཀྱིས།། རྡོ་རྗེ་བཅུད་ཆེན་ཟླར་བཅས་པས།། ཉི་མ་ཆགས་པ་དང་བཅས་པའི།། པདྨའི་སྙིང་པོའི་སྤོངས་མཛད་ཅིང་།། དགའ་བའི་འོད་དང་འཁྱུད་པའི་གར།། རླུང་གི་སྙིང་པོ་རྗོད་བྱེད
240b4 ཅིང་།། སྲིད་པའི་མྱུ་གུ་འགོག་པར་མཛད།། རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བའི་མེ་ལོང་གི་རྒྱུད་ཆེན་པོ་ལས།། བསྒྲུབ་པ་མ་ལུས་པ་བཤད་པའི་ལེའུ་སྟེ་དགུ་པའོ།། །། དེ་ནས་གཞན་ཡང་བཤད་བྱ
240b5 བ།། རྟག་པའི་རྒྱལ་པོ་མ་ལུས་པ།། བྱ་བ་ལས་ཀྱི་རིམ་པ་དག། བཞིར་ནི་གསལ་བར་གསུངས་པ་ཡིན།། དང་པོར་ཞི་བའི་རང་བཞིན་ཏེ།། དེ་འོག་རྒྱས་པས་རྒྱས་ཕྱིར་རོ།། རྒྱས་པས་དབང་དུ་བྱ་བ་དང་།། དབང་མི
240b6 འདུ་བ་བསྒྲལ་ཕྱིར་ཏེ།། ཐུན་མོང་ཁྱད་པར་ཡོན་ཏན་རྫོགས།། བྱ་བའི་ལས་ལ་མ་རྨོངས་ཤིང་།། ནུས་པ་བརྟན་པའི་རང་བཞིན་གྱིས།། རིམ་པ་ཇི་བཞིན་བརྩམ་པར་བྱ།། གངས་དཀར་འདབ་དང་ཡིད་འདང་བ།།
iiif viewer powered by OpenSeadragon
