| e-texts navigator |
| Wylie |
240a1 པའི་གར་ཐབས་ཀྱིས།། ལྷ་མོ་རྣམས་དང་ལྷན་ཅིག་ཏུ།། རོལ་པའི་ཐབས་ཀྱིས་གང་རྩེན་པ།། བྱེ་བྲག་བརྒྱད་ཅུ་གཉིས་འདུས་པའི།། པདྨའི་སྙིང་པོ་ཀུན་བཀུག་སྟེ།། ཐིག་ལེ་དཔའ་བོ་ལྔ་ཡི
240a2 སྟོབས།། མི་སྡོད་འཕྲོ་བའི་རང་བཞིན་ཉིད།། ཐབས་དང་ལྡན་པའི་རྣལ་འབྱོར་གྱིས།། བཅིངས་ལ་གཟུང་འཛིན་གནས་པར་བྱ།། དེ་དང་རྩེ་ཕྲད་གཉིས་བཟློག་པས།། བདེ་བའི་མྱུ་གུ་གསོ་བྱས་པས།། ཐ་མལ་ཞེན
240a3 པ་ཀུན་བྲལ་ནས།། རྟོག་དང་ལྷན་ཅིག་གང་སྐྱེས་པ།། དྭངས་སྙིགས་ཕྱེ་བའི་ཉམས་དག་གིས།། སྙིགས་མ་བག་ཆགས་ཞེ་ན་བཅས་པ།། དེ་ཡི་སྟོབས་ཀྱིས་གནས་མི་འགྱུར།། གསང་བའི་ཐིག་ལེ་སྟོབས་ལྡན
240a4 པས།། རིགས་ངན་ཐ་མལ་ཞེན་ཆགས་དང་།། དྲན་རྟོག་མ་ལུས་ཕམ་བྱས་ཏེ།། ཕྱི་ནང་སྣོད་བཅུད་མ་ལུས་པ།། ལྷན་ཅིག་སྐྱེས་པའི་རང་བཞིན་དུ།། མ་ལུས་དབང་བཙུགས་རྒྱལ་བར་མཛད།། རྡོ་རྗེ་པདྨའི་སྙིང་པོ
240a5 ལ།། དགའ་བའི་རོལ་པའི་བདག་ཉིད་ཀྱིས།། ཐབས་དང་ཤེས་རབ་གསལ་བའི་རོ།། ཕྱོགས་བཅུའི་རྒྱལ་བ་འདུས་པའི་ཚེ།། ཟག་མེད་ཡོན་ཏན་གཏེར་ཆེན་དེ།། གསང་བ་ཐབས་ཀྱིས་སྟོབས་ལས་གྲུབ།། བདེ་ཆེན
240a6 སྙིང་པོ་ཐིག་ལེའི་རོ།། དབབ་དང་གཟུང་བཟློག་འབྱོངས་པ་ཡིས།། རྩ་གསུམ་གང་ཞིག་ཐིམ་པའི་ཚེ།། བར་ཆད་མེད་པའི་བདེ་བ་དང་།། ཐམས་ཅད་མཁྱེན་པའི་མངོན་ཤེས་དང་།། སྐྱེ་ཤི་མེད་པའི་ཚེ་འཐོབ
iiif viewer powered by OpenSeadragon
