| e-texts navigator |
| Wylie |
23b1 གྲོལ་བར་མཛད།། སེམས་ཀྱི་ཐིག་ལེ་ཐོག་མཐའ་མེད།། རང་རིག་མཁྱེན་པའི་ཡེ་ཤེས་ལ།། ཀུན་མཆོག་ཐབས་ཀྱི་དབང་བསྒྱུར་བས།། ཚེ་འདིས་ངེས་པར་གྲོལ་བར་འགྱུར།། སངས་རྒྱས་ཀུན་གྱི་སྐུ
23b2 གསུང་ཐུགས།། རྡོ་རྗེ་དབང་ཕྱུག་སྣང་བ་ཡིས།། སྣང་དང་ལྡན་པའི་གང་ཟག་ལ།། བྱིན་རླབས་དངོས་པོ་འཇུག་པར་འགྱུར།། དེ་ཚེ་སྟོབས་དང་ནུས་མཐུ་དང་།། བྱིན་རླབས་མངོན་ཤེས་ལ་སོགས་པ།། ཤེས་རབ་ཏིང
23b3 འཛིན་ལ་སོགས་པ།། འདི་ཚེ་རྟགས་ནི་འབྱུང་བར་འགྱུར།། ཕྱག་རྒྱ་དབུ་རྒྱན་ཅོད་པན་དང་།། གདུགས་དང་བུམ་པ་བཟའ་བཏུང་དང་།། རྒྱལ་མཚན་གོ་ཆ་སྙིང་པོ་དང་།། ཕྲེང་བ་དག་གིས་དབང་བསྐུར་ཏེ།། དེ་ནས
23b4 གླེགས་བམ་ཕྲེང་བ་དང་།། རྒྱ་གྲམ་འཁོར་ལོ་རྡོར་དྲིལ་ཉིད།། ནུས་པ་བརྟན་པོ་ཐོབ་པའི་ཕྱིར།། ཏིང་འཛིན་ལྡན་པས་སྦྱིན་པར་བྱ།། དེ་ནས་རྒྱལ་བའི་སྐུ་ཐོབ་པས།། གསུང་དང་ཐུགས་ལ་གནས་བྱའི་ཕྱིར།། གསང
23b5 བ་ལ་སོགས་རིམ་པ་བཞིན།། མོས་པ་ཇི་བཞིན་བསྟན་པར་བྱ།། གཟུགས་དང་ལང་ཚོ་ལྡན་པ་དང་།། བཙུན་ཞིང་ན་ཚོད་དར་ལ་བབ།། དུལ་ཞིང་བློ་གྲོས་མཆོག་དང་ལྡན།། ཡོན་ཏན་ཕུན་སུམ་ཚོགས་པ
23b6 དང་།། ཟས་དང་གོས་སོགས་རྗེས་བསྲུངས་ལ།། དམ་ཚིག་སྡོམ་ཕོག་དབང་བསྐུར་ནས།། ཐབས་དང་ཤེས་རབ་བྱིན་བརླབས་ནས།། མཆོད་བསྟོད་བཟླས་པ་མཐར་ཕྱིན་པ།། ཐིག་ལེ་ནུས་པ་བརྟན་ཕྱིན་ནས།། ཐ
iiif viewer powered by OpenSeadragon
