| e-texts navigator |
| Wylie |
23a1 བ་དགྱེས་པ་ཆེ།། མཱཾ་གྱི་སྒོ་ཕྱེ་ལས་བྱུང་བ།། པུཎྜ་རཱི་ཀའི་མེ་ཏོག་དག། གནས་སུ་འཕྲོས་པའི་ཆུ་སྐྱེས་དགའ།། དེ་ཉིད་སླར་ཐིམ་ཟབས་ལས་སྐྱེས།། དེ་ཚེ་ཡེ་ཤེས་གཉིས་གསལ་མི།། བདེ་བ་ཆེན་པོ
23a2 ཀུན་ཏུ་གསལ།། མཐའ་གཉིས་རབ་མཉམ་ལྷུན་རྫོགས་པའི།། ཡེ་ཤེས་རྒྱལ་བ་ཀུན་གྱི་ཐུགས།། རིམ་ནས་རིམ་པར་བཅུ་དྲུག་གོ།། དང་པོ་བཞི་ཚོགས་གཉིས་སྦྱོར་ལམ།། གསུམ་པ་བཞི་མཐོང་བཞི་བསྒོམས
23a3 པ།། ཐ་མར་ཐིམ་བརྗོད་རིམ་བཟློག་པ།། རིམ་པ་བཞིན་དུ་གསལ་གོམས་པས།། འགྲོ་འོད་མེད་པའི་ཐིག་ལེ་ཉིད།། འབྲས་བུའི་ངོ་བོར་ལྷུན་གྱིས་རྫོགས།། རང་བྱུང་ཡེ་ཤེས་ཐིག་ལེ་ལ།། འབྲས་བུའི་རོ་རྣམས
23a4 རྫོགས་པར་ལྡན།། ངོ་བོ་ཐབས་ཀྱིས་མངོན་གསལ་ན།། འབྲས་བུ་ལྷུན་གྱིས་རྫོགས་པར་གནས།། ཞེས་ཉིད་ལ་ཉིད་གསུངས་སོ།། སྒྱུ་འཕྲུལ་རྒྱ་མཚོའི་རྒྱུད་ལས། རྡོ་རྗེ་བཀོད་པ་བྱིན་གྱིས་བརླབས་པའི་ལེའུ་སྟེ་དགུ
23a5 པའོ།། །། དེ་ནས་བཅོམ་ལྡན་དགྱེས་ཆེན་པོ།། ཀུན་མཆོག་དབང་ཕྱུག་རྒྱལ་བ་ཡིས།། བྱིན་བརླབས་གསང་བ་རྟོགས་བྱའི་ཕྱིར།། རྡོ་རྗེ་བྱིན་བརླབ་མཆོག་ཏུ་མཛད།། གསང་བ་མཆོག་ལྡན་དབང་ཕྱུག
23a6 གིས།། འཁོར་ལོ་རིམ་པར་བརྟགས་བྱས་ནས།། སྣོད་དང་མོས་པ་ཇི་བཞིན་དུ།། རབ་འབྲིང་ཐ་མའི་བསམ་པ་ལྟར།། ཕྱག་རྒྱ་མཛེས་པའི་རོལ་པ་དང་།། ཐིག་ལེ་མཆོག་ཏུ་འདྲེས་པ་ཡིས།། དྲི་མེད་དབང་བསྐུར
iiif viewer powered by OpenSeadragon
