| e-texts navigator |
| Wylie |
239b1 ལེའི་རང་བཞིན་པས།། མི་མཐུན་ཞེན་པས་རྣམ་གྲོལ་བས།། རང་སེམས་རྟེན་བཅས་ཐིག་ལེ་ནི།། དྭངས་མའི་ཡེ་ཤེས་བློ་ལྡན་པ།། ཀུན་ཁྱབ་བདེ་འབྱུང་སྙིང་པོ་ཅན།། གསང་བའི་རིག་པའི་གཏེར་ཁ་འབྱེད།། ཕྱི
239b2 ནང་རྒྱུ་བ་ཐིག་ལེར་བཅས།། སྙིང་ནང་བདེ་བར་འབར་གྱུར་ནས།། རང་ལུས་རྟགས་སུ་བདེ་ཆེན་འབར།། མངོན་ཤེས་རིན་ཆེན་རྩ་ལ་ཕོག། རིག་པའི་མངོན་ཤེས་ལྔ་རུ་འཆར།། དེ་ནས་མི་འགྱུར་སྟོང་པའི
239b3 རྩ།། འགྱུར་མེད་ཀུན་སྣང་རླུང་ལ་ཐིམ།། དམན་པས་མི་འགྲུབ་ཁྱད་པར་ཐབས།། གསང་བའི་ཐིག་ལེ་འབབ་ཞོན་གྱིས།། རྩ་བཅུད་ཏིང་འཛིན་འབྲེལ་བའི་སྟོབས།། བསྐལ་པ་དུ་མའི་སྟོབས་འགགས་ཏེ།། དྭངས
239b4 མའི་ཡེ་ཤེས་རླུང་དུ་གྲུབ།། ཕྱིན་པ་མེད་པར་མཐར་སོང་བ།། བདེ་ཆེན་གོམས་པའི་སྟོབས་ལས་གྱུར།། བཅུད་ལྔ་འདུས་པའི་ཐིག་ལེ་ནི།། རོ་ལྔ་འདྲེས་པའི་བདེ་ཆེན་དེ།། སྒོམ་དང་མཐར་ཕྱིན་ཁྱད་པར་གྱིས།། བདེ
239b5 བ་ཆེན་པོ་རིགས་མཆོག་གནས།། དེ་ནས་གང་ཡིན་བརྗོད་བྱ་བ།། ཟབ་མོ་ཀུན་རྫོགས་བརྟུལ་ཞུགས་ཅན།། དབང་པོ་དར་ཞིང་སྨིན་པ་ཡི།། ཆགས་ཅན་ཉི་ཟླ་འཛིན་ནུས་པས།། སྤྱི་གཙུག་ཐིག་ལེའི་འཁོར་ལོ།
239b6 ང་། གསང་བའི་འོག་མིན་ནུས་ལྡན་པ།། འབྱོར་པའི་རྟེན་ཅན་འདི་ཉིད་གནས།། ཐབས་དང་རོལ་པའི་ཁྱད་པར་དང་།། ཏིང་འཛིན་རླུང་གི་དབང་ཐོབ་སྟེ།། འབྱུང་བཞི་སྙིགས་ཕྱེ་དངས་དུས་སུ།། ཉི་ཟླ་འདྲེས
iiif viewer powered by OpenSeadragon
