| e-texts navigator |
| Wylie |
238b1 བསྒོམ།། ཧྲིཿལས་སྣ་ཚོགས་ཆོས་མཆོག་སེམས།། གསལ་བརྟན་རླུང་གིས་སྟོབས་བསྟན་པས།། དངས་མའི་ལུས་ཡིད་གང་ཡིན་པ།། ཞིང་བསྐྱོད་བསམ་པ་གྲུབ་པར་འགྱུར།། ནམ་མཁའ་དབྱིངས་ཀྱི་དབུས་གནས
238b2 པར།། གསལ་བྱེད་སྣ་ཚོགས་བཅས་པ་བསྒོམ།། ཨ་འམ་ཧ་ལས་རང་ཉིད་ཀྱི།། ལས་ཀྱི་ཕྱག་རྒྱར་གོམས་པར་བྱ།། བརྟན་ནས་དྭངས་མ་རླུང་སྟོབས་ཀྱིས།། ཞིང་ཁམས་གང་དུ་མངོན་བསམས་པའི།། འདོད་པའི
238b3 བསམ་པ་འགྲུབ་པར་འགྱུར།། འདིས་ནི་འབྱུང་ཞིང་དབང་མེད་ཅིང་།། འཆི་མེད་རླུང་ལ་དབང་ཐོབ་ནས།། ཆོ་འཕྲུལ་བཞི་ཡིས་ཟིལ་མནན་ནས།། མངོན་ཤེས་གདུག་པ་འདུལ་བ་ཡིས།། ལས་རྣམས་མི་འགྲུབ
238b4 གཅིག་ཀྱང་མེད།། དེ་ནས་གཞན་ཡང་ཆགས་ལྡན་རིམ།། སྐལ་བས་དམན་དང་སྦྱོར་བས་ཟད།། བདེ་བའི་དོན་འདོད་དཀའ་ཐུབ་ཅན།། འདི་དག་དོན་ལ་ཐབས་ཀྱིས་དགོད།། ཐབས་ལྡན་ལུས་ཀྱི་གོང་བུ་ལ།། རང
238b5 རང་ཆོ་གའི་ཐབས་ལྡན་ན།། བདེ་ཆེན་གར་ཐབས་སྣ་ཚོགས་པ།། རྣམ་པར་འཕྲུལ་པའི་རོ་ཡིས་བྱེད།། བདེ་ཆེན་ལོངས་སྤྱོད་ཆོས་ཀྱི་གནས།། སྤྲུལ་པའི་ཐིག་ལེ་བདེ་བའི་རོ།། མ་ལུས་མཁའ་ལྔའི་རང་བཞིན
238b6 གྱིས།། རང་ལུས་མ་བཅོས་གནས་ཉིད་བདེ།། བརྟུལ་ཞུགས་ཐིག་ལེ་གསུམ་ཐོབ་ནས།། སྒྲོལ་མ་དང་ནི་ཐིག་ལེ་དང་།། གནས་དང་ཐབས་དང་ཏིང་འཛིན་གྱིས།། བྱེ་བྲག་བརྒྱད་ཅུ་ཀུན་འདུས་པའི།། ཐབས་ཀྱིས
iiif viewer powered by OpenSeadragon
