| e-texts navigator |
| Wylie |
237a1 ལ།། གཤིན་རྗེའི་དྲུང་དུ་ཁྲིད་པར་བསམ།། འདིས་ནི་དབུགས་མེད་བརྒྱལ་བ་ཡང་།། གཞན་དུ་དྲག་པོས་ཕྱིན་འགྱུར་ན།། སྲོག་དང་ལྡན་པས་སྨོས་ཅི་དགོས།། གལ་ཏེ་དགྲ་དཔུང་ཕམ་འདོད
237a2 ན།། བདག་ཉིད་མི་གཡོ་མགོན་པོ་སྟེ།། ཇི་ལྟར་གནས་པར་རབ་ཏུ་བསྒོམ།། དེ་ཡི་གཟུགས་བརྙན་བྲིས་ནས་ཀྱང་།། ཆོ་གས་དེ་རུ་བྱིན་བརླབས་ལ།། སྔགས་ནི་བདུན་འབུམ་ལ་སོགས་པ།། ལྕགས་སྣ་བདུན་ལས
237a3 བཅུ་གཉིས་ཆད།། རལ་གྲི་སྙིང་པོར་བཅས་པ་ལ།། གསལ་བར་དེ་དག་རྟགས་བྱུང་བཟླས།། འོད་དང་སྒྲ་དང་ས་གཡོས་དང་།། རལ་གྲི་སྐད་ནི་འདོན་པ་ན།། ཕྱུང་བས་གཡུལ་ལས་ལྡོག་པ་དང་།། བསྐོར་བས
237a4 དམག་དཔུང་འབྲོས་པར་འགྱུར།། བདག་ཉིད་རྒྱལ་ཞིང་ཆེ་འདོད་ན།། བདག་ཉིད་གསལ་ཞིང་བརྟན་གྱུར་ནས།། ཞེ་སྡང་རྡོ་རྗེར་གསལ་བྱས་ལ།། དུར་ཁྲོད་རས་ལ་མིང་རུས་བྲི།། སྔགས་དང་ཕྱག་རྒྱས་བཀུག
237a5 བསྟིམས་ལ།། ངེས་པར་བརྟན་པའི་ལྟས་བྱུང་ནས།། ཧེ་རུ་ཀ་ཡི་ཞབས་ཀྱིས་གནོན།། རྟ་མགྲིན་གད་མོ་དྲག་པོས་བསྡིགས།། ཁྱུང་གཤོག་ཕྱག་རྒྱ་ཟིལ་གྱིས་གནོན།། བདག་དང་ཁྱི་ཡི་སྒོམས་ནས་གདོན།། བདག
237a6 ཉིད་ཐེམ་པའི་འོག་ཏུ་གནོན།། ཡང་ན་བདག་གི་འོག་ཏུ་གནོན།། རྡོ་རྗེ་རྒྱ་གྲམ་ཕྱག་རྒྱ་ཡིས།། སྟེང་ནས་གནོན་ཅིང་བདེན་པ་བདར།། བདག་ཉིད་དེ་ཡི་རྒྱལ་པོར་འགྱུར།། དབུལ་པོ་གཏེར་དང་ཕྲད་འདོད
iiif viewer powered by OpenSeadragon
