| e-texts navigator |
| Wylie |
236b1 ལ།། བསྟིམས་ལ་ཕྱག་རྒྱས་བཅིང་བར་བྱ།། ལྕགས་སམ་ནག་པོའི་ཤིང་ལས་བྱས།། དྲག་པོའི་ཕུར་པས་གནས་གསུམ་གདབ།། ཧྲིཿཥྚྲཱིཿདྲག་པོས་གཡས་གཡོན་ནས།། ཁྲོས་པའི་སེམས་ཀྱིས་བསྲེག་བྱས་ནས།། དེ
236b2 ནང་དྲག་པོ་ཚེར་མ་ཅན།། ནམ་ཕྱེད་གཅེར་བུས་བསྲེགས་བྱས་ནས།། ལྷ་ཡང་རུང་སྟེ་བརླག་པར་འགྱུར།། གལ་ཏེ་དབྱེ་བའི་ལས་བྱེད་ན།། བདག་ཉིད་ཡ་མཱནྟ་ཀ་སྟེ།། རྔམ་ཞིང་གདུག་གཏུམ་ང་རྒྱལ་ཅན།། ཤིན་ཏུ
236b3 འཇིགས་ཤིང་བསྡིགས་པར་བསྒོམ།། ཉི་མས་འཇིགས་པའི་དང་རུང་དང་།། མུན་པས་འཇིགས་པའི་གུང་རུ་ལ།། གང་ཡིན་དེ་ཉིད་བྲིས་ལ་བླ་ན།། ལྷ་དང་ལྷ་མིན་གཉིས་ལ་གཏད།། རླུང་གི་ཕྱོགས་སུ་དེ་ཡིས
236b4 བསྐྱོད།། སྤྲུལ་པ་ཕོ་ཉས་གཡུལ་འགྱེད་ཅིང་།། འཐབ་ཅིང་རྩོད་པར་རྣམ་པར་བསམ།། བར་དུ་ཁྲ་དང་བྱ་རོག་འཐབ།། མེ་ཆུ་རླུང་གིས་འབུད་བསམས་ན།། དེ་ནི་གང་ཡིན་སུ་ཡང་རུང་།། འབྲལ་ཞིང་འཐབ་པ་ཉིད
236b5 དུ་འགྱུར།། རྒྱལ་པོ་བྲམ་ཟེ་བློན་པོ་དག། གདུག་པ་གནོད་པ་ཅན་གྱི་རིགས།། མི་གནས་བསྐྲད་པར་བྱ་བའི་ཕྱིར།། བདག་ཉིད་ཨ་བར་ཙིཏྟ་སྟེ།། དྲག་པོ་ཁྲོས་པའི་ཚུལ་དུ་བསྒོམ།། དགྲ་བགེགས་གང་ཡང་རུང་བ
236b6 ཡི།། འོག་ཏུ་རླུང་སྙིང་བཅས་པ་བྲི།། སྟེང་དུ་མིང་རུས་བཅས་བསྐྱོན་ལ།། མདུན་ན་གནས་པའི་གདུལ་བྱ་དེ།། རླུང་ལྷ་རྔ་མོའི་སྟེང་དུ་ཞོན།། ཕོ་ཉ་སྤྲུལ་པ་མཐའ་ཡས་ཀྱིས།། འཁྲིད་ཅིང་འཚོག་པར་རབ་བསམས
iiif viewer powered by OpenSeadragon
