| e-texts navigator |
| Wylie |
235b1 དང་གཟི་མདངས་ཉམས་སོད་ཡིན།། ཞིང་ཆེན་ཁ་ནས་ཧྲི་བྱུང་ན།། ཏིང་འཛིན་རྡོ་རྗེ་སོ་ཡིས་བཅད།། རོ་ལངས་བརྡབས་ན་གསེར་དུ་འགྱུར།། ལྕེ་ཡི་རལ་གྲིས་དེ་བཅད་ན།། ཅིས་ཀྱང་མི་ཚུགས་གོ་མཚོན་ཏེ།། ལྷ
235b2 མིན་གཡུལ་ཡང་ཕམ་བྱེད་ན།། དཔའ་བོ་སྟོབས་ལྡན་སྨོས་ཅི་དགོས།། དེ་ཡི་དབང་པོ་ལྔ་དག་ལ།། མངོན་ཤེས་ལྔ་ཡི་དངོས་གྲུབ་ཡོད།། རང་གི་རྟོག་པ་ཇི་བཞིན་དུ།། མཁས་པས་བསྒྲུབས་ན་འགྲུབ་པར
235b3 འགྱུར།། གལ་ཏེ་བཅུ་བདུན་བཅཝ་བརྒྱད་མའི།། ཞིང་མཛེས་བཀྲུ་ཞིང་བྱུགས་བྱས་ཏེ།། རྒྱན་དང་གོས་ཀྱིས་ལེགས་པར་གདགས།། དྲི་ཞིམ་དབང་པོ་དག་པ་ལ།། བདག་ཉིད་དབང་དྲག་རྣལ་འབྱོར་གྱིས།། ཡེ་ཤེས
235b4 འཇིག་རྟེན་གང་རུང་བའི།། ལྷ་མོ་ཡིད་འོང་འོད་འབར་མ།། སྔགས་དང་ཕྱག་རྒྱས་བཀུག་བཅིངས་ནས།། རྟགས་བྱུང་བར་དུ་བསྟིམ་པར་བྱ།། དྲི་དང་སྒྲ་དང་འོད་དག་དང་།། འདར་དང་འགུལ་དང་དགོད་པ
235b5 དག། དང་པོའི་རྟགས་ནི་ཡིན་པར་བཤད།། ལྷ་དང་གཏམ་དང་གཉིས་པ་སྟེ།། དངོས་སུ་ལངས་པ་ཚད་ཡིན་པས།། དམ་བདར་མནས་བསྒྲགས་དབང་དུ་བསྡུ།། གལ་ཏེ་སྦྱར་དུ་སད་པ་ན།། ཆོ་འཕྲུལ་ཆེ་ཞིང་ལོག
235b6 སྟོན་ན།། དབང་དྲག་ང་རྒྱལ་ཆེན་པོ་ཡིས།། དབང་དུ་བསྡུ་དང་ཟིལ་གྱིས་མནན།། དེ་དག་ཆགས་པས་རོལ་སྤྱད་ན།། སྐད་ཅིག་ཆོ་འཕྲུལ་བཞི་ཐོབ་སྟེ།། སྐྱེ་ཤི་མེད་པར་གནས་པ་དང་།། མ་ལུས་བདེ་ཆེན་འབར་བ
iiif viewer powered by OpenSeadragon
