| e-texts navigator |
| Wylie |
235a1 བར་བསམ།། དམར་སེར་བ་ཡི་འོ་མ་དང་།། སྨན་དང་རིན་ཆེན་སྤོས་དང་འབྲུ།། བདུད་རྩི་སྙིང་པོ་ཆེ་རྐྱེན་ལ།། མཱ་མ་ཀཱི་ཡི་སྔགས་ཀྱིས་གདབ།། ཨོཾ་མཱ་མ་ཀཱི་སརྦ་པ་བ་དུ་རུ་དུ་རུ་སྭཱ་ཧཱ།། ནད་དང་སྡུག
235a2 བསྔལ་ལྡན་པའི་ལུས།། བཀྲུས་པས་འཚོ་བར་ཐེ་ཚོམ་མེད།། བདག་ཉིད་བརྟུལ་ཞུགས་བདེ་ལྡན་པས།། སྔོན་དུ་བྱ་བ་སྔོན་སོང་བས།། དགོན་པ་བས་མཐའ་རབ་དབེན་པར།། མ་སྨས་མ་རུལ་ཚད་ལྡན་པའི།། དུར
235a3 ཁྲོད་ཞིང་ཆེན་མཚན་ལྡན་ལ།། ཁྲུས་དང་བྱུག་བདུག་ཀུན་བྱས་ནས།། ཕོ་མོ་ལ་སོགས་ཡིན་པ་ཡི།། ལས་དེ་ངེས་པར་འགྲུབ་པར་འགྱུར།། དེ་དག་མཎྜལ་གཙང་མ་ཡི།། དབུས་སུ་ལེགས་པར་བཞག་ནས
235a4 ནི།། བདག་ཉིད་ཁྲོ་བོ་གང་ཡང་རུང་།། གསལ་བས་ཚངས་པ་བརྒྱ་བྱིན་རུང་།། རང་སྔགས་སྲོག་སྙིང་ཛ་ཡིས་དགུག། ཕྱག་རྒྱ་བཞི་ཡིས་དབབ་པར་བྱ།། གལ་ཏེ་འདར་དང་རྒོད་པ་དང་།། ངུ་དང་འཇིགས་པའི་སྒྲ
235a5 བྱུང་ན།། དམ་ཚིག་ཕྱག་རྒྱ་བསྟན་པར་བྱ།། དམ་ཆུ་བྱིན་ལ་མནས་བསྒྲགས་ཏེ།། གང་འདོད་ལས་ལ་མངག་པར་བྱ།། གལ་ཏེ་འཇིག་རྟེན་ཐེ་ཚོམ་ཟོས།། དེ་ཡིས་ཟོས་དང་བརྒྱལ་བ་དང་།། འཕྲལ་དུ་བདག་ཉིད་འཆི
235a6 བར་འགྱུར།། གང་ཞིག་ཏིང་འཛིན་བརྟན་པ་ཡིས།། བར་ཆད་མེད་པར་བསྒྲུབས་པའི་ཚེ།། མདངས་ལྡན་ཡིད་འོང་དང་པོ་སྟེ།། དྲི་ཞིམ་འོད་ཆགས་གཉིས་པ་ཡིན།། དགའ་བའི་སྒྲ་སྒྲོགས་གསུམ་པ་ཡིན།། བཀྲག
iiif viewer powered by OpenSeadragon
