| e-texts navigator |
| Wylie |
234a1 སུམ་ཚོགས།། དམ་ཚིག་དབང་དང་ལྟ་བ་དག། སྔོན་དུ་བྱ་བ་རྫོགས་པ་ཡིས།། སྔོན་དུ་རྣལ་འབྱོར་གསུམ་ཐོབ་བམ།། དང་པོ་ཡིད་བརྟན་གང་ཡིན་ཀྱང་།། གང་ལ་ཡིད་ཀྱིས་དམིགས་པ་དེ།། ཆོ་ག་ཏིང
234a2 འཛིན་འབྲེལ་པ་ཉིད།། རང་རང་རྟོག་པ་ཇི་བཞིན་དུ།། ཐ་མལ་བ་དང་ལེ་ལོ་དང་།། ཐེ་ཚོམ་དད་པའི་སྟོབས་ཀྱིས་ཏེ།། གལ་ཏེ་དེ་དག་མི་ལྡན་ན།། ས་ཐོབ་ཀྱིས་ཀྱང་མ་ཡིན་ན།། གང་ཟག་སྐྱེ་བོས་སྨོས་ཅི
234a3 དགོས།། གལ་ཏེ་དགུག་པའི་ལས་བྱ་ན།། བདག་ཉིད་དབང་དྲག་ཁྲོ་བོ་སྟེ།། དམར་ཐག་དུད་ཀའི་མདོག་འདྲ་བའི།། གོང་ལྟར་གནས་པའི་འཕྲོ་འདུ་ནི།། ཞགས་པ་ལྕགས་ཀྱུ་ཤ་སྟག་སྟེ།། དམིགས་པ་བརྟན་ཅིང
234a4 རྟགས་ཐོབ་ནས།། མངོན་དུ་གྱུར་གྱི་བར་དུ་ནི།། རང་སྔགས་བརྗོད་པ་དེ་ཡི་མཐར།། ཆེ་གེ་མོ་ཞིག་ཛཿཧཱུཾ་ཞེས།། དགྲ་དང་བགེགས་དང་ལྷ་དང་གཟུངས།། མཐུ་དང་རྫུ་འཕྲུལ་ལྡན་ཡང་རུང་།། ཐ་མལ་དབང་མེད
234a5 བཞིན་དུ་དགུག། གལ་ཏེ་དེ་ཡི་དགོས་པ་དག། མྱུར་དུ་གྲུབ་པར་མ་གྱུར་ན།། དེ་དག་ལེགས་པར་གྲུབ་ཀྱི་བར།། གང་ཡིན་མཁས་པས་བཅིང་བར་བྱ།། ངག་དང་ཐབས་དང་ཏིང་འཛིན་གྱིས།། འགྲུབ་པར་འགྱུར
234a6 བར་གདོན་མི་ཟ།། བདག་ཉིད་དབང་དྲག་གསལ་བ་ཡི།། ལྕེ་ལ་དབང་གི་འཁོར་ལོ་བསམ།། ཡི་གེ་གསུམ་ལྡན་དགུ་བཀོད་ནས།། འོད་ཀྱིས་ནམ་མཁའི་ཁམས་བཀང་ཞིང་།། པདྨ་རཱ་ག་ཞུ་འདྲ་བས།། གང་ཐིམ
iiif viewer powered by OpenSeadragon
