| e-texts navigator |
| Wylie |
233b1 ག་མདོར་བསྡུས་བཤད།། རྒྱུད་ཀྱི་རྒྱལ་པོ་མ་ལུས་ལས།། ཐུན་མོང་དག་ལ་མོས་ཞུགས་པས།། ཐུན་མོང་ཡོ་བྱད་ཏིང་འཛིན་དང་།། སྔགས་དང་ཕྱག་རྒྱ་འབྲལ་གོམས་པས།། རྟགས་དང་ནུས་པ་མཐར་ཕྱིན
233b2 པས།། གང་ལྟར་དམིགས་པ་འགྲུབ་འགྱུར་ཏེ།། ཟག་བཅས་ཐུན་མོང་དངོས་གྲུབ་ཡིན།། དེ་ལས་གཞན་པ་བཤད་པར་བྱ།། གང་དུ་མཆོག་གི་རྣལ་འབྱོར་པ།། དབང་དང་དམ་ཚིག་ཏིང་འཛིན་དག། ཕྱི་ནང་གསང
233b3 བའི་རིམ་ཐོབ་ན།། མི་ལྡོག་བརྟན་པའི་རྣལ་འབྱོར་ཐོབ།། མཐོང་ནས་སྒོམ་ལམ་མ་ངེས་རིགས།། ཏིང་འཛིན་གང་སྒོམ་པར་ཆད་མེད།། ཚེ་འདིས་དབང་བསྒྱུར་འཇིགས་བྲལ་ཏེ།། དེ་ནས་སྐུ་ལྔའི་བདག
233b4 ཉིད་ཐོབ།། མཆོག་ལྡན་མཆོག་གིས་མཆོག་ཐོབ་པས།། མཆོག་གི་དངོས་གྲུབ་ཐུན་མོང་མིན།། དད་དང་དམ་ཚིག་ཤེས་རབ་དང་།། བརྩོན་འགྲུས་བརྟུལ་ཞུགས་བཟོད་པ་ཐོབ།། བརྟན་ཅིང་སྙིང་བརྩེ་དབང་རྫོགས
233b5 ཤིང་།། བསྒྲུབ་དང་ལམ་གྱི་སྦྱོར་བ་ཤེས།། ཡིད་ཐུབ་མི་ལྡོག་བརྟན་པ་ཅན།། ཉམས་ཐོབ་དང་དུ་ལེན་པ་ནི།། གཅིག་དང་ལྔ་གསུམ་གང་ཟག་གིས།། རི་བོ་རི་སུལ་གསང་བར་དང་།། ཆུ་གླིང་ངམ་གྲོག་བྲག་རྫོང
233b6 དང་།། དུར་ཁྲོད་རི་ཕུག་ཆུ་མདོ་དང་།། ཡིད་འོང་བཀྲ་ཤིས་ཉམས་དགའ་བར།། ཆོ་ག་བྱིན་བརླབས་རྫོགས་པ་ཉིད།། ལས་ཀྱི་ཆོ་ག་གང་ཡིན་པ།། བདག་གམ་གཞན་གྱིས་བྱས་པ་ནི།། བདག་དབང་བཀྲ་ཤིས་ཕུན
iiif viewer powered by OpenSeadragon
