| e-texts navigator |
| Wylie |
233a1 གསུམ་སངས་རྒྱས་ཁྲོས་པ་ཡིས།། བདུན་རྒྱུད་ཚུན་ཆད་བརླག་པར་མཛད།། བླ་མ་དང་ནི་གྲོགས་རྣམས་དང་།། ཕ་མ་གཉེན་བཤེས་རྒྱལ་བློན་དང་།། རྒྱལ་འབངས་ཉེས་མེད་སྡང་བ་ནི།། དམ་ཚིག
233a2 ཉམས་པའི་རྟགས་སུ་བཤད།། ཟབ་མོ་དག་ལ་གེགས་འབྱུང་དང་།། བསྒྲུབས་པས་འདོད་པ་མི་འབྱུང་ཞིང་།། བསྲུང་བའི་ལྷ་རྣམས་གཡེལ་བ་དང་།། མ་ཉེས་ཡ་ཁ་འབྱུང་བ་དག་དམ་ཚིག་ཉམས་པའི་རྟགས་སུ
233a3 བཤད།། དང་པོར་བླ་མའི་ལུང་ཐོབ་ནས།། རང་གིས་ཉམས་པ་མ་ཚོར་ཞིང་།། བདེ་ལེགས་བསམ་པ་འགྲུབ་འགྱུར་ཞིང་།། བདག་གཞན་བསམ་པའི་ཁྱད་པར་དག། སྔོན་དུ་ཡིད་བཞིན་ནོར་བུ་བཞིན།། འགྲུབ་ཅིང
233a4 བསྔགས་པས་ཐོབ་པ་ནི།། མ་ཉམས་དོན་དང་ལྡན་པའི་རྟགས།། རྣལ་འབྱོར་དབང་ཕྱུག་རྒྱལ་པོ་ཡིན།། གལ་ཏེ་མ་ཉམས་རྟགས་བྱུང་ན།། བསྐང་གསོའི་ཆོ་ག་མྱུར་དུ་བརྩམ།། གལ་ཏེ་ཉམས་ལ་རྟགས་མེད
233a5 ཅིང་།། ལེགས་པར་སྣང་ན་མི་རུང་སྟེ།། བདག་གི་ས་བོན་ཚིག་པ་སྟེ།། བདེ་བ་ཟད་བྱས་གཏན་དུ་སྡུག། མ་ཉམས་རྟགས་བྱུང་མྱུར་བསྐངས་ན།། སྔོན་གྱི་བག་ཆགས་ཟད་པར་འགྱུར།། རྡོ་རྗེ་སེམས་དཔའ་སྒྱུ་འཕྲུལ
233a6 དྲ་བ་གསང་བ་མེ་ལོང་གི་རྒྱུད་ལས་དམ་ཚིག་མ་ལུས་པ་བཤད་པའི་ལེའུ་སྟེ་བརྒྱད་པའོ།། །། དེ་ནས་ཡང་དག་བཤད་བྱ་བ།། མཆོག་དང་ཐུན་མོང་ལ་སོགས་པ།། བསྒྲུབ་པའི་ཁྱད་པར་ཇི་སྙེད་པའི།། རྟོག་པའི་ཆོ
iiif viewer powered by OpenSeadragon
