| e-texts navigator |
| Wylie |
229b1 ཡེ་ཤེས་སྣང་།། མ་ཟིན་རྡོ་རྗེ་ལྕེ་ཡིས་བླང་།། གཉིས་ཀྱི་རྟོག་པ་མ་ལུས་པ།། བདེ་ཆེན་རོ་གཅིག་བྱིན་གྱིས་བརླབས།། སྐད་ཅིག་བྲལ་མེད་བདེ་བའི་སེམས།། དུས་གསུམ་མི་འབྲལ་བརྟན་པར་གནས།། རླུང
229b2 དང་ཐིག་ལེའི་བཟླས་པ་ཡིས།། ཐམས་ཅད་བདེ་ཆེན་ཕྱག་རྒྱར་གསལ།། བདེ་ཆེན་ཐབས་དང་ཉམས་ཀྱིས་ཏེ།། བརྗོད་དང་ཚིག་གིས་ཕེབས་པ་མིན།། གཉིས་སྦྱོར་ཕྲད་པའི་བདེ་བ་ཡིས།། ཐ་མལ་ཟད་དང་བདེ
229b3 ཆེན་སྦྱོར།། གང་གིས་སྦྱིན་པར་མི་ནུས་པ།། ད་ལྟར་ནུས་པ་རང་གིས་མྱོང་།། གཞན་གྱི་བརྫུན་པའི་དོན་འདི་ནི།། ཐབས་ཀྱིས་བདེན་པར་མངོན་དུ་བསྟན།། ཐ་མལ་ཞེན་པ་སྤང་བའི་ཕྱིར།། ཁ་ན་མ་ཐོ་བག་ཚ
229b4 བྲལ།། སྐྱེས་དང་ནུས་དང་གནས་པའི་ཚེ།། རང་བཞིན་ལྔ་ནི་ཤུགས་ཀྱིས་གྲུབ།། རང་གི་རྩ་བཅུད་སོ་སོ་ལས།། བདུད་རྩི་བྲལ་བ་མེད་པར་གནས།། འབྱུང་ལྔ་དབང་པོ་གཟུགས་སོགས་བཅས།། ཐབས་ལྡན་སྦྱོར
229b5 བའི་བྱིན་བརླབས་ཀྱིས།། བདེ་ཆེན་ལྷན་ཅིག་སྐྱེས་པར་ཤེས།། ཉི་ཟླ་རླུང་གིས་ཟིན་པ་ཡི།། མཚན་མ་བྲལ་བ་ངོ་བོ་ལས།། ཞེན་པ་མེད་པའི་ཐབས་ཆེན་པོས།། ལྷན་ཅིག་སྐྱེས་པའི་རང་བཞིན་ལས།། ཡེ་ཤེས་ལྔ་ཡི
229b6 རོས་གང་བས།། མ་ལུས་རྒྱལ་བ་ལྔ་རུ་གྲུབ།། འདི་ནི་ཕྱི་ནང་གསང་བ་ཡི།། རང་བཞིན་དམ་ཚིག་ཆེན་པོ་ཡིན།། དམ་ཚིག་རྣམ་པ་མཐའ་ཡས་པ།། ཤིན་ཏུ་བསྡུས་པ་རྣམ་པ་གཉིས།། འབྲིང་དུ་རྩ་བ་ལྔ་ཉིད
iiif viewer powered by OpenSeadragon
