| e-texts navigator |
| Wylie |
228b1 ཉིད་ཡིན་ཏེ།། ལས་དང་སྐལ་བ་དམན་པ་དང་།། རིགས་དམན་ལེ་ལོ་ཆེ་བ་དང་།། རང་བཞིན་ངན་པའི་གང་ཟག་གིས།། བླུན་པོ་གང་ཞིག་འདའ་བྱེད་ཅིང་།། དངོས་གྲུབ་གཉིས་ལ་རྒྱབ་ཕྱོགས་ནས།། དམ་པ་རྣམས
228b2 ལ་དམོད་བྱེད་པ།། སངས་རྒྱས་ཀུན་ལ་ཉེས་བྱས་པས།། རྡོ་རྗེ་འཛིན་རྒྱལ་ཁྲོས་ནས་ནི།། བདུན་རྒྱུད་ཚུན་ཆད་བརླག་པར་མཛད།། མཁའ་འགྲོ་མ་དང་རིག་འཛིན་དང་།། ཁ་འབར་གཏུམ་འཁྲུག་རྔམ་པའི
228b3 ཚོགས།། དེ་མ་ཐག་ཏུ་སྲོག་བཅད་ནས།། དམྱལ་བའི་གནས་སུ་སྐྱེ་བར་འགྱུར།། གལ་ཏེ་འཇིག་པར་གྱུར་ན་ནི།། འཇིག་རྟེན་གཞན་དུ་སྐྱེ་འགྱུར་ཞིང་།། ཇི་སྲིད་ནམ་མཁའ་འཇིག་པའམ།། ཕྱི་ཡི་རྒྱ་མཚོ་ཟད་པའི
228b4 ཚེ།། ཐར་ཏེ་གཞན་དུ་ནམ་ཡང་མིན།། དམ་པའི་བླ་མ་སྤོང་བ་དང་།། རྡོ་རྗེ་མཆེད་ལ་འཁུ་བ་དང་།། བྱང་ཆུབ་སེམས་ཉིད་མི་དྲན་ཞིང་།། སྔགས་དང་ཕྱག་རྒྱ་ཡལ་བ་དང་།། སྣོད་མིན་གསང་བ་བཤད་པ
228b5 དང་།། གསང་བའི་དོན་ལ་སྐུར་བ་ནི།། འདིར་ཡང་སྡུག་བསྔལ་མྱོང་འགྱུར་ཞིང་།། སྐད་ཅིག་འགགས་པས་དེ་མ་ཐག། བར་མའི་ལུས་དང་བྲལ་གྱུར་པའི།། རྡོ་རྗེ་དམྱལ་བར་སྐྱེ་བར་འགྱུར།། གང་དུ་རྩ་བ་ཡན་ལག
228b6 བཅས།། བསྲུང་དང་དབོག་པར་བྱ་བའི་ཆོས།། ཐུན་མོང་དབང་དང་འབྲེལ་བཅས་པའི།། ཐུན་མོང་སྤྲི་ཡི་ཡུལ་གྱུར་པ།། དེ་ནི་ཐུན་མོང་བསྲུང་བྱ་སྟེ།། འདི་ནི་ཕྱི་ཡི་དམ་ཚིག་གོ། ཐབས་དང་ཤེས་རབ་སྦྱར་བའི
iiif viewer powered by OpenSeadragon
