| e-texts navigator |
| Wylie |
227b1 ལུང་ཐོབ་ནས།། ནུས་པ་མངོན་དུ་སྣང་བར་དུ།། བདག་དང་གཞན་ཕྱིར་ཐུན་མོང་གི། འགལ་དང་སྒྲོ་སྐུར་ཀུན་འདས་ཤིང་།། ཀུན་དང་བསམ་པ་དགའ་བྱེད་པ།། ཐུན་མོང་དམ་ལས་མི་འགལ་བ།། ཐུན་མོང་དམ
227b2 ཚིག་ཡིན་པར་བཤད།། ཐུན་མོང་མ་ཡིན་གང་ཟག་གིས།། ཐབས་ཆེན་ཐུན་མོང་མ་ཡིན་པ།། ཉོན་མོངས་ལྔ་དང་སྤྱོད་པ་ལྔ།། བདུད་རྩི་ལྔ་དང་ཤེས་པ་ལྔ།། གྲུབ་པ་ལྔ་ཡི་ཆོས་རྣམས་ཉིད།། སྐྱེས་བུ་རིགས་ཕྱེད་སྤྱོད
227b3 ཡུལ་ཏེ།། ཐུན་མོང་རྣལ་འབྱོར་ཡུལ་མིན་པས།། ཐུན་མོང་མ་ཡིན་ཞེས་སུ་བཤད།། དང་པོ་ནས་བཟུང་རྟགས་ཐོབ་པར།། རྩ་བ་ཡན་ལག་བཅས་པ་ཡི།། ལུས་སེམས་མ་ཡེངས་རྩེ་གཅིག་པས།། རྣམ་པ་དང་བཅས
227b4 དང་དུ་བླང་།། ས་ཐོབ་གོམས་དང་མཐར་ཕྱིན་པར།། ཏིང་འཛིན་དོན་ལ་གནས་པའི་ཚེ།། འགལ་བའི་སྒོ་གསུམ་མི་འབྱུང་བས།། ཏིང་འཛིན་རྒྱུན་གྱི་དམ་ཚིག་ལ།། རྣམ་པའི་དམ་ཚིག་མ་ལུས་འདུས།། དོན་ལས
227b5 ལངས་ཚེ་སྙིང་རྗེ་དང་།། རྩ་བ་ཡན་ལག་ཤུགས་ལྡན་ཡིན།། སངས་རྒྱས་ས་ལ་གནས་པ་ན།། འདའ་བ་མེད་པའི་དམ་ཚིག་སྟེ།། རྒྱ་མཚོ་རླན་བཞིན་ཐོབ་སྤངས་མེད།། བསྲུང་མེད་ཡེ་ཤེས་དམ་ཚིག་སྟེ།། དམ་ཚིག
227b6 འདི་ནི་རྨད་པོ་ཆེ།། བསྙེན་པ་རྟགས་དང་ལྡན་པར་དུ།། སྤྱི་ཡི་དམ་ཚིག་བསྲུང་བྱ་ཞིང་།། བསྒྲུབ་པ་གང་ཡིན་འགྲུབ་པ་ན།། ཁྱད་པར་རང་རང་རྟོག་པ་ཡི།། དམ་ཚིག་མེད་པར་འགྲུབ་མི་འགྱུར།། གང་ཟག་གང་ལ
iiif viewer powered by OpenSeadragon
