| e-texts navigator |
| Wylie |
227a1 འགྲོ་འོང་ལས་གྲོལ་བ།། གཞི་རྩ་མེད་པའི་སེམས་ཉིད་དེ།། གང་གིས་དོན་རྟོགས་གནས་གྱུར་པ།། དོན་དམ་བྱང་ཆུབ་སེམས་སུ་བརྗོད།། མ་སྐྱེས་བྱང་ཆུབ་སེམས་ཉིད་ནི།། སྐྱེ་བའི་རང་བཞིན་ཉིད
227a2 སྣང་བ།། རང་ལུས་རྒྱལ་བའི་ཕྱག་རྒྱ་སྟེ།། མ་ལུས་དེར་སྣང་ངོ་བོ་གཅིག། རང་ལྟར་སྒོ་གསུམ་གསལ་རྟོགས་པ།། ཀུན་རྫོབ་བྱང་ཆུབ་སེམས་སུ་བཤད།། གསང་བ་བཤད་དང་དབང་བསྐུར་དང་།། མན་ངག་ལུང
227a3 དང་ཉམས་ཆགས་སྐོང་།། མཆོག་དང་ཐུན་མོང་ལ་སོགས་པ།། དངོས་གྲུབ་སྟེར་ཞིང་གྲོལ་བྱེད་པ།། འདི་ནི་སངས་རྒྱས་མཉམ་པའི་ཕྱིར།། སྐད་ཅིག་གདུང་བ་མཉམ་མི་བྱ།། རང་གི་ལྷ་དང་གཉིས་མེད་ནས།། ཕྱག
227a4 རྒྱ་བཞིར་གསལ་རྣལ་འབྱོར་པས།། རང་གི་སྒོ་གསུམ་མ་ཉམས་པར།། ཆུ་བོ་ལྟ་བུ་བར་ཆད་མེད།། སངས་རྒྱས་ཀུན་གྱི་གསང་བ་ནི།། ཐེག་ཆེན་གསང་བ་ཉིད་ཡིན་པས།། སྣོད་མེད་དམན་སོགས་ལོག་པ
227a5 ལ།། གསང་བཅུ་ལ་སོགས་བརྗོད་མི་བྱ།། དང་པོར་གསང་བར་སྲོག་གཅིག་པས།། བྱང་ཆུབ་སྙིང་པོར་མི་འབྲལ་བས།། རང་སྲོག་རང་གིས་གཅོད་ཀྱང་སླ།། བརྩེ་གདུང་དམ་ཚིག་བྲལ་མི་བྱ།། ལམ་དང་བསྒྲུབ་པའི
227a6 རྩ་བ་དང་།། དངོས་གྲུབ་ཀུན་གྱི་རྩ་བ་དང་།། འདི་དག་ཉམས་ན་ཀུན་ཉམས་པས།། རྩ་བ་ཞེས་སུ་བསྟན་པ་ཡིན།། ཡན་ལག་ཐུན་མོང་དམ་ཚིག་དང་།། ཐུན་མོང་མིན་པར་བཤད་པར་བྱ།། དང་པོར་གསང་བའི
iiif viewer powered by OpenSeadragon
