| e-texts navigator |
| Wylie |
226b1 མེད།། སྡོམ་པ་བརྟན་པོ་དམ་བཅས་པ།། འདི་དག་ལེགས་པར་བཤད་པར་བྱ།། དུས་གསུམ་སངས་རྒྱས་ཐམས་ཅད་ཀྱིས།། འདས་དང་མ་བྱོན་དུས་གསུམ་དུ།། རྒྱལ་ཁྲིམས་ཐ་ཚིག་བཀས་བཅད་ལྟར།། རིམ་པས
226b2 དམོད་བོར་བཀས་བཅས་པའི།། བྱིན་བརླས་རང་བཞིན་འདའ་དཀའ་བ།། ཀུན་གྱིས་བསྲུང་བྱ་ཡིན་པར་བཤད།། གང་ཕྱིར་དམ་པས་བྱིན་བརླབས་པའི།། དམ་ཚིག་ཆེན་པོ་འདི་ཉིད་ལ།། འདས་དང་ད་ལྟར་མ་བྱོན
226b3 པའི།། རྒྱལ་བ་སྲས་དང་བཅས་པ་དང་།། རིག་འཛིན་རྣམས་དང་མཁའ་འགྲོ་དང་།། ལྷ་རྣམས་དང་ནི་མི་རྣམས་དང་།། ཀླུ་དང་མི་མིན་འབྱུང་པོའི་ཚོགས།། རྫུ་འཕྲུལ་ལྡན་པའི་ལྷ་ཆེན་ཀྱང་།། དམ་པ་འདས་པས
226b4 འཚིག་པར་འགྱུར།། དམ་པ་ཉིད་ཀྱི་རང་བཞིན་འདི།། རྒྱལ་བ་ཀུན་གྱི་དགོངས་པ་ལ།། སྒྲ་བཞིན་སྤྱོད་པའི་གང་ཟག་རྣམས།། ལོག་པར་སྤྱད་པས་ཚིག་པར་འགྱུར།། དམ་པ་རྣམས་ཀྱི་བཀས་བཅད་ཅིང་།། བྱིན
226b5 བརླབས་དམོད་བོར་རང་བཞིན་གྲུབ།། དམ་པ་འདི་ལས་གང་འདའ་བ།། རྡོ་རྗེ་ཅན་ཡང་ཚིག་པར་འགྱུར།། དམ་པ་རྣམས་ཀྱི་དགོངས་པ་ལ།། དབང་དང་བྱིན་བརླབས་ཐོབ་པ་ཡིས།། དམ་པའི་ཚུལ་བཞིན་ངེས་སྤྱད
226b6 ན།། མི་མཐུན་ཕྱོགས་རྣམས་འཚིག་པར་འགྱུར།། དེ་ཕྱིར་དུས་གསུམ་སངས་རྒྱས་ཀྱིས།། དམ་ཚིག་ཅེས་ནི་རྣམ་པར་བསྒྲགས།། བླ་ན་མེད་པའི་དམ་ཚིག་ནི།། མ་ལུས་རང་རིག་བྱང་ཆུབ་སེམས།། མཐའ་དབུས
iiif viewer powered by OpenSeadragon
