| e-texts navigator |
| Wylie |
225b1 གྲུབ་པ།། དབང་གི་འབྲས་བུ་རང་ལས་ཤར།། ཐབས་ཆེན་འདི་དང་གང་བྲལ་ན།། བསྐལ་པ་གང་གཱའི་བྱེ་སྙེད་དུ།། བརྩོན་པས་འབྲས་བུ་ཚོལ་བྱེད་པ།། འདོད་པའི་འབྲས་བུ་སྟོངས་པར་འགྱུར།། གང་ཕྱིར་སློབ
225b2 དཔོན་སློབ་མ་དང་།། དཀྱིལ་འཁོར་རིམ་པ་ཇི་བཞིན་དུ།། ལས་དང་ཏིང་འཛིན་བྱིན་བརླབས་ཀྱིས།། འཇུག་པའི་ཆོ་ག་གསུམ་དུ་བཤད།། དུས་གསུམ་སངས་རྒྱས་ཐམས་ཅད་ཀྱི།། སྐུ་གསུང་ཐུགས་ཀྱི་གསང་ཆེན
225b3 པོ།། སྒྱུ་འཕྲུལ་དྲ་བའི་ལམ་ཆེན་པོ།། མ་ལུས་ཆོ་ག་རྒྱ་ཆེན་པོ།། དཔལ་ལྡན་རྡོ་རྗེ་མེ་ལོང་གི།། འཇུག་པའི་རིམ་པ་ཇི་བཞིན་དུ།། གསང་བ་ཀུན་ལ་ཤེས་པར་བྱ།། རྡོ་རྗེ་བླ་མ་དེ་ཉིད་ཀྱིས།། ཆ་ཤས་གུས་ལྡན་མཛེས
225b4 པ་ཡིས།། མེ་ཏོག་ལྡན་པས་འཁོར་ལོ་ཉིད།། མངོན་བྱས་སྐུ་གསུང་བསྐུལ་བ་ཡིས།། དམ་ཚིག་དྲན་ཏེ་དགོངས་པར་འགྱུར།། རྡོ་རྗེ་སེམས་དཔའི་དཀྱིལ་འཁོར་དུ།། གསལ་དང་རིག་པའི་སྟོབས་ཀྱིས་ནི།། རྡོ་རྗེ་སློབ
225b5 མ་བྱིན་བརླབ་ཕྱིར།། སློབ་དཔོན་དག་ཀྱང་འཇུག་པར་བྱ།། དེ་ནས་སློབ་མ་འཇུག་བྱ་སྟེ།། ཁྲུས་བྱས་དྲི་ཞིམ་གོས་བཟང་གྱོན།། དད་དང་གུས་ལྡན་རིན་ཆེན་བཅས།། གུས་བཅས་སྙན་པའི་ཚིག་གིས་ནི།། ལུས
225b6 དབུལ་དག་པའི་སེམས་ཀྱིས་གནས།། བདུད་རྩི་འཁྱིལ་བའི་སྦྱོར་བ་ཡིས།། བར་ཆད་སྦྱོར་བསལ་བསྲུང་བ་བྱ།། ཆོ་ག་གང་ཡིན་ལྷར་བསྐྱེད་ལ།། མཚན་མ་རྫོགས་པར་ནན་ཏན་བྱ།། རྒྱལ་བ་ཀུན་གྱི་དམ་ཚིག་ལྔ།།
iiif viewer powered by OpenSeadragon
