| e-texts navigator |
| Wylie |
225a1 འཁོར་རོ།། དུས་གསུམ་རྒྱལ་བས་བྱིན་བརླབས་པའི།། མ་ནོར་ལམ་སྟོན་སློབ་དཔོན་ལ།། མཉེས་དང་བཀུར་བར་མི་བྱེད་ཅིང་།། རང་རང་ནུས་ཤིང་འཇུག་པ་ལ།། དབང་བསྐུར་གནང་བ་མ་བྱིན
225a2 པར།། གསང་བ་བཤད་དང་ཉན་པ་དང་།། སྒོམ་དང་བསྒྲུབ་པ་ལ་སོགས་པས།། བསྐལ་པ་བྱེ་བ་དཔག་མེད་དུ།། འབྲས་བུ་ཐོབ་པར་མི་འགྱུར་གྱི།། དམྱལ་བའི་གནས་སུ་སྐྱེ་བར་འགྱུར།། དེ་ནི་དམ་པ་ཀུན་བརྙས
225a3 པས།། ནད་དང་སྡུག་བསྔལ་མང་པོ་དང་།། མཁའ་འགྲོ་མ་དང་གདོན་གྱིས་འཚེ།། དེ་ནས་ངེས་པར་འཆི་བར་འགྱུར།། བྱིན་བརླབས་ལྡན་པའི་བླ་མ་ཡིས།། དད་བརྩོན་བརྟུལ་བཞུགས་རབ་ལྡན་པའི།། རིགས་ངེས
225a4 སྐྱེས་བུ་མཆོག་ཉིད་ལ།། ཐབས་ཀྱིས་དབང་བསྐུར་བྱིན་བརླབས་ན།། རྒྱལ་བ་དང་ནི་མཁའ་འགྲོ་དང་།། རིག་འཛིན་གྲུབ་པ་ཕོ་མོ་ཡིས།། ཚེ་འདིར་བསམ་པ་ཀུན་སྐོངས་ཤིང་།། བྱིན་བརླབས་དབང་དང་དངོས
225a5 གྲུབ་ཀྱི།། ཕུན་སུམ་ཚོགས་པའི་བདག་པོར་འགྱུར།། གང་གིས་གང་ལ་དབང་བསྐུར་བས།། ཐ་མལ་ཞེན་པ་དག་པ་དང་།། བདེ་ཆེན་ལམ་ལ་མངོན་ཞུགས་པས།། དངོས་གྲུབ་གང་ལ་ཐོགས་མེད་དེ།། ལས་རྣམས
225a6 གང་བརྩམས་འགྲུབ་པ་དང་།། འདོད་པའི་དོན་ལ་རོལ་བ་ཡིས།། ས་བཅུ་རིམ་པ་མཐར་ཕྱིན་ནས།། པདྨ་སྤྱན་གྱི་ས་ཐོབ་སྟེ།། ཡི་གེ་འཁོར་ལོ་ས་ལ་གནས།། སྐུ་གསུང་ཐུགས་དང་ཡོན་ཏན་ལས།། ཉི་ཤུ་རྩ་ལྔ་ལྷུན
iiif viewer powered by OpenSeadragon
