| e-texts navigator |
| Wylie |
224b1 པས་ཉམས་མྱོང་བསྐྱེད་པ་ཡིན།། བཞི་པས་དེ་ཉིད་བརྟན་པར་བྱེད།། ལྔ་པས་བརྟན་པས་ཉམས་བླངས་པས།། མཆོག་གི་དངོས་གྲུབ་ཚེ་འདིས་འགྲུབ།། རྡོ་རྗེ་སློབ་དཔོན་གནང་ཐོབ་པ།། ནུས་ལྡན་རབ་གནས་ཆོ་ག
224b2 བརྩམ།། དེ་ནས་སློབ་མ་ཚུལ་བཞིན་གཞུག། སྒོ་གསུམ་མཉེས་པ་ཀུན་བྲལ་བའི།། སྡོམ་པའི་དམ་ཚིག་ཕོག་བྱས་ལ།། དབང་བསྐུར་རིམ་པ་སྦྱིན་པར་བྱ།། དབང་གི་ཉམས་མྱོང་བརྟན་བྱའི་ཕྱིར།། གདམས་ངག
224b3 རྗེས་མཐུན་སྦྱིན་པར་བྱ།། གདམས་ངག་ཉམས་བརྟན་ལམ་རིམ་སྟེ།། ལམ་མཐར་ཕྱིན་པ་འབྲས་བུ་ཉིད།། དྲོད་མཐར་ཕྱིན་དང་ས་བརྒྱད་དང་།། གྲགས་ཆེན་སངས་རྒྱས་ས་དག་ལ།། རང་རིག་རྟགས་དང་ཐུགས་རྗེ
224b4 ཡིས།། འདྲེན་སྟོབས་མཁའ་འགྲོ་གསུམ་དུ་སྣང་།། མཁའ་དང་སྒྲ་དང་གཟུགས་ཅན་གྱི།། པདྨ་ཅན་ཞེས་གྲགས་པ་ཡི།། སྦྱོར་དང་གླུ་དབྱངས་སྣང་བ་དང་།། གཟུགས་ཙམ་བརྟན་པས་གྲོལ་བར་འགྱུར།། དབང
224b5 བསྐུར་རྩ་བའི་དཀྱིལ་འཁོར་ནི།། མ་བཅོས་རྡོ་རྗེ་དབྱིངས་དཀྱིལ་འཁོར།། ཁྲོ་བོའི་དཀྱིལ་འཁོར་ཡན་ལག་སྟེ།། བསྒྲུབ་དང་གདུག་པ་གདུལ་ཕྱིར་ཡིན།། དཔ་ལ་རྩ་བའི་དབང་ཐོབ་ནས།། ཕྱི་མའི་དཀྱིལ་འཁོར
224b6 དབང་ཐོབ་བྱ།། གདུལ་བྱ་མོས་པའི་དབང་བརྩན་ལ།། ཐུན་མོང་ཙམ་དུ་ངེས་པ་མེད།། དང་པོ་གཉིས་པ་གསུམ་པ་དག། རྡོ་རྗེ་སེམས་དཔའི་དབང་བསྐུར་ཡིན།། བཞི་པ་དང་ནི་ལྔ་པ་ཉིད།། ཧེ་རུ་ཀ་ཡི་དཀྱིལ
iiif viewer powered by OpenSeadragon
