| e-texts navigator |
| Wylie |
222b1 དབང་བསྐུར་བས།། རྣམ་པ་དང་བྲལ་དབང་རྣམས་ནི།། ཉམས་མྱོང་དབང་དུ་རང་ཤར་ཏེ།། ཐོབ་དང་བརྟན་དང་གོམས་པ་ཡིས།། འཇིག་རྟེན་བརྒྱ་དང་སྟོང་ཕྲག་བཅུ།། འབུམ་སོགས་བདག་གཞན་དོན་རྫོགས
222b2 ཏེ།། སྐད་ཅིག་ཉིད་ལ་རག་ལུས་པས།། རྒྱལ་ཚབ་ཆོས་ཀྱི་རྒྱལ་པོར་བཤད།། ལམ་ཞུགས་རིགས་ཕྱེད་རྟགས་ཐོབ་ལ།། སློབ་དཔོན་མཐར་ཉེ་ལམ་གནས་པས།། རྒྱང་གྲགས་དཔག་ཚད་ལ་སོགས་པར།། རྡོ་རྗེ་ཐིག
222b3 ཚད་སྦྱོར་བརྗོད་པའི།། ཕྱག་རྒྱ་དཀྱིལ་འཁོར་གསལ་ལྡང་བ།། སྣ་ཚོགས་དཀྱིལ་འཁོར་མཆོག་ཏུ་གསུངས།། སྣ་ཚོགས་རིག་པས་དབང་སྒྱུར་བའི།། སངས་རྒྱས་སྟོང་གི་དཀྱིལ་འཁོར་དུ།། སྟོབས་ལྡན་བུ་མོ་ལ
222b4 བརྟེན་ཏེ།། ཐབས་དང་ཏིང་འཛིན་དབང་བསྐུར་བས།། རྡོ་རྗེ་ཚེ་ལ་དབང་ཐོབ་ཅིང་།། ཆོ་འཕྲུལ་མངོན་ཤེས་ལྡན་པར་འགྱུར།། དང་པོ་ཡོན་ཏན་ཀུན་ལྡན་པའི།། རིགས་སུ་ངེས་པའི་བུ་མཆོག་སྟེ།། དད་བརྩོན།
222b5 བརྟུལ་ཞུགས་ལྡན་པ་ཡི།། མི་འགྱུར་བརྟན་པའི་རིགས་ཅན་ལ།། དྲོད་ལྡན་གནང་ཞིང་དབང་ཐོབ་པ།། རྒྱལ་པོ་ལྟ་བུ་བླ་མ་ཡིས།། ལྷག་པ་གཟུགས་བརྙན་བྱིན་ལྡན་དུ།། དད་མོས་བརྩོན་འགྲུས་འཇུག་པའི
222b6 སེམས།། མི་ལྡོག་དང་བརྟན་ཚུལ་གྱིས་བཞུགས།། དབུ་རྒྱན་ཅོད་པན་ཕྲེང་བ་དང་།། གདུགས་དང་བུམ་པ་བཟའ་བཏུང་དང་།། གོ་ཆ་ཕྱག་རྒྱ་རྒྱལ་མཚན་དང་།། སྙིང་པོ་ལྔ་ཡིས་དབང་བསྐུར་བ།། རང་བཞིན་ངོ
iiif viewer powered by OpenSeadragon
