| e-texts navigator |
| Wylie |
221a1 དུ་བཤད།། ལྷ་ཡི་ཏིང་འཛིན་དཀྱིལ་ཉིད་དེ།། སྤྱོད་པ་ཡོ་བྱད་འཁོར་དུ་བཤད།། གང་ལ་གང་གིས་རྒྱས་བཏབ་པ།། གོམས་དང་བརྟས་པའི་དབང་གིས་ན།། ཇི་ལྟར་སྣང་གྲགས་ཆོས་ཐམས་ཅད།། དེ
221a2 དང་དེ་ཡི་ངོ་བོར་འགྱུར།། རྡོ་རྗེ་སེམས་དཔའི་སྒྱུ་འཕྲུལ་དྲ་བ་གསང་བ་མེ་ལོང་གི་རྒྱུད་ལས་དཀྱིལ་འཁོར་མ་ལུས་པར་བཤད་པའི་ལེའུ་སྟེ་དྲུག་པའོ།། །། དེ་ནས་གཞན་ཡང་བཤད་བྱ་བ།། དབང་བསྐུར་ཆོ་ག
221a3 ཕུན་སུམ་ཚོགས།། ཐབས་ཀྱི་ས་ལ་སྦྱོར་བྱེད་པའི།། རྟོག་པའི་ཆོ་ག་བཤད་པར་བྱ།། རྒྱལ་བ་ཀུན་གྱི་གསང་ཆེན་པོ།། མ་ལུས་པ་ཡི་རྒྱ་མཚོ་ཉིད།། རྒྱལ་བ་ཀུན་གྱི་སྤྱི་གཟུགས་ཏེ།། འཁོར་ཚོགས་ཡེ་ཤེས་རྒྱ་མཚོ
221a4 ལ།། རང་བཞིན་དཀྱིལ་འཁོར་ལྷན་ཅིག་ཏུ།། ཡེ་ཤེས་ལྷ་མོ་ལ་བརྟེན་ནས།། ཡེ་ཤེས་ཆེན་པོའི་དབང་བསྐུར་བས།། གསང་བདག་རྡོ་རྗེ་འཆང་ཆེན་འགྱུར།། ཡེ་ཤེས་རྒྱ་མཚོ་དབང་ཕྱུག་གིས།། དང་པོ་ནས་བཟུང
221a5 བཅུ་པའི་བར།། ཏིང་འཛིན་འབར་བའི་དཀྱིལ་འཁོར་དུ།། རིག་པའི་ལྷ་མོ་ལ་བརྟེན་ནས།། ཏིང་འཛིན་ཆུ་བོས་དབང་བསྐུར་བས།། ས་དང་ཡེ་ཤེས་ཞིང་ཁམས་དང་།། རྫུ་འཕྲུལ་མཛད་པའི་རིམ་པར
221a6 འཕེལ།། མཐོང་ལམ་རྡོ་རྗེ་སྐུ་ཐོབ་པས།། ངེས་འབྱེད་ཉམས་ལྡན་རྣལ་འབྱོར་ལ།། རིག་པ་ཉམས་ཀྱི་དཀྱིལ་འཁོར་དུ།། རིག་པ་རྩལ་གྱིས་གཟུངས་བརྟེན་ནས།། ཟག་མེད་རྡོ་རྗེ་སྐུ་ལ་སྦྱོར།། རིག་པ་བརྟན་ཐོབ
iiif viewer powered by OpenSeadragon
