| e-texts navigator |
| Wylie |
220b1 དྲུག་གིས།། དབང་སྒྱུར་རིགས་ཀྱི་དམ་པ་འགྲུབ།། དེ་ཚེ་བཅུ་དྲུག་ཚུན་ཆད་ཀྱིས།། ཡེ་ཤེས་ཐིག་ལེ་དེ་ཉིད་ལ།། ཡེ་ཤེས་ཐིག་ལེ་ཉིད་སྣང་བ།། བསམ་གྱིས་མི་ཁྱབ་མཐའ་ཡས་མཆོག། གང་ཟག་རིམ་པར་འཇུག་པ
220b2 རྣམས།། དང་པོར་དངོས་དོན་མཐོང་བ་ཡིས།། ཚེ་འདིས་ས་ལ་བགྲོད་བྱ་ཞིང་།། བསམ་བྱས་ལྷུན་གྲུབ་ཉིད་ཐོབ་ཕྱིར།། ལྟ་སྤྱོད་ཏིང་འཛིན་རིམ་འབྲེལ་བས།། བར་ཆད་མེད་པའི་ལམ་ལ་འབད།། གནས་སྐབས
220b3 རིམ་པ་ཇི་སྙེད་ཀྱང་།། ཐ་མལ་པ་དང་ལོག་སྤྱོད་དང་།། མོས་པ་ལ་སོགས་ཡུལ་མིན་ཏེ།། ནུས་དང་གྲུབ་པ་ཐོབ་པ་ཡིས།། གསང་བ་ལམ་དང་འབྲེལ་པར་བྱ།། རྣལ་འབྱོར་ཆེན་པོ་ལྔ་ལ་གནས།། རིམ་ནས་རིམ་པར
220b4 བརྟན་གྱུར་ཏེ།། གསལ་ལྡན་མི་གཡོ་ཐོབ་པ་ལ།། ཉམ་ང་མེད་པའི་སྟོབས་ལྡན་པས།། པདྨ་ལ་ནི་འདམ་བཞིན་ཏེ།། སྤྱོད་པ་སོ་སོ་གནས་པ་ཡིས།། རྩ་བ་སྤྲོས་བཅས་རྣལ་འབྱོར་ཏེ།། བསྒྲུབ་པ་དུས་ཀྱི་ཚོགས་ལ
220b5 གནས།། ཡན་ལག་ཚོགས་ཀྱི་སྤྱོད་པར་གསུངས།། གང་ཕྱིར་དཀྱིལ་འཁོར་ངེས་བསྟན་པ།། རང་རིག་མཐའ་དབུས་མེད་པ་དཀྱིལ།། ཡེ་ཤེས་བཞི་འཕྲོས་འཁོར་ལོའི་ཚུལ།། འཇིག་རྟེན་འདས་པ་དཀྱིལ་ཉིད
220b6 དེ།། འཇིག་རྟེན་སྣ་ཚོགས་འཁོར་དུ་བཤད།། རིག་པའི་དོན་ཉིད་དཀྱིལ་ཉིད་དེ།། ཆོ་འཕྲུལ་རང་འབྱུང་འཁོར་དུ་གསུངས།། རྡོ་རྗེ་སེམས་དཔའ་དཀྱིལ་ཉིད་དེ།། རིགས་བཞི་ལྷ་དང་ལྷ་མོ་དང་།། ཁྲོ་བོ་ཁྲོ་མོ་འཁོར
iiif viewer powered by OpenSeadragon
