| e-texts navigator |
| Wylie |
21a1 དམ་ཚིག་བླང་བར་བྱ།། བཅུ་གཉིས་བཅུ་དྲུག་ལ་གནས་ཤིང་།། ཉི་ཤུའམ་ཉི་ཤུ་ལྔ་ཡི་ཚད།། དབང་པོ་པདྨ་རབ་རྒྱས་ལ།། རང་བཞིན་རིག་པར་ཐིག་བཏབ་ལ།། རང་རང་རིགས་ལས་བརྟགས་པ
21a2 བཞིན།། མཚན་མ་གསལ་བསྐྱེད་བྱིན་གྱིས་བརླབ།། ཡེ་ཤེས་མཚོན་པའི་དོན་ཕྱིར་འདོད།། ལུས་དང་བྷ་གའི་རང་བཞིན་དང་།། རང་གི་རིག་པའི་དཀྱིལ་འཁོར་ཉིད།། དབང་དང་ཁྱད་པར་ཇི་བཞིན་དུ།། རིམ་པ
21a3 བཞིན་དུ་མཁས་པས་བརྟགས།། ལུས་རྩ་ཡན་ལག་སྙིང་དུ་བཅས།། དཀྱིལ་འཁོར་རྒྱན་དུ་ངས་བཤད་དེ།། མ་ལུས་གཞན་ཡང་སྙིང་པོར་བཤད།། ཡབ་ཡུམ་དངོས་གྲུབ་རང་བཞིན་ཉིད།། རྡོ་རྗེ་གསུམ་དུ་ངེས
21a4 གསལ་ཞིང་།། སངས་རྒྱས་རྡུལ་སྙེད་སྐུ་གསུང་ཐུགས།། མཉམ་སྦྱོར་མ་འདྲེས་མཉམ་པ་ཉིད།། གང་གིས་གང་ལ་གསལ་གོམས་པ།། དེ་དག་གསལ་བའི་ཚད་ལྡན་པ།། དེ་ཡིས་དེ་ལ་བྱིན་བརླབ་ཕྱིར།། ལྷག་པའི
21a5 ཏིང་འཛིན་སྟོབས་ཀྱིས་བྲི།། བདག་གཞན་བྱིན་རླབས་ནུས་ལྡན་ཕྱིར།། རྒྱལ་བའི་དཀྱིལ་འཁོར་རྡུལ་སྙེད་པ།། ཟབས་དང་ཤེས་རབ་ངོ་བོ་ཡིས།། གང་འདོད་ཐིམ་པར་བྱིན་བརླབས་ནས།། རྒྱན་ཕྲེང་མཛེས་པས
21a6 ཚུལ་བཞིན་བྱ།། བདུད་རྩི་ལོངས་སྤྱོད་ཚོགས་ལྡན་པ།། བདག་ཉིད་མཉེས་པར་བྱ་ཕྱིར་བརྩམ།། ལོངས་སྤྱོད་ཁམས་དང་གསང་བར་བཅས།། མེ་ཡི་ཆོ་ག་རབ་ལྡན་པ།། ཐབས་ཀྱི་ཆོ་ག་ཇི་བཞིན་དུ།། ལས་བཞིའི
iiif viewer powered by OpenSeadragon
