| e-texts navigator |
| Wylie |
219a1 རྣམས་ནི།། གོང་མའི་ལྷ་ཉིད་ཡིན་པ་སྟེ།། ཐུགས་ལས་འོད་ཟེར་འཕྲོ་བ་ནི།། བསྐལ་པའི་མེ་ལྟར་ཉི་མའི་འོད།། དེ་ནས་བསྐལ་པའི་འཁོར་ལོ་བསྐོར།། གདུག་པའི་མཚོན་ཆ་ཆར་ལྟར་དབབ།། གང
219a2 དག་གང་གི་གཟུགས་བྱས་ལ།། ཚོན་གྱི་སྐུད་པས་གཉིས་གབ་བཅིང་།། བཀའ་ཡི་བསྒོ་བ་འདི་ཡང་བྱ།། གང་དག་གནས་པའི་བགེགས་ཆེན་རྣམས།། ཤིན་ཏུ་བཅིངས་ནས་ང་ཡི་བཀའ།། བཀའ་ལས་བྱུང་བའི་ཆོ་ག
219a3 ཡ།། རབ་ཏུ་ཁྲོས་པའི་གནས་འདི་རུ། སུ་ཡང་འདའ་བར་མ་བྱེད་ཅིག། རང་རང་སྦྱོར་བ་གཞན་དུ་བཏུལ།། དེ་སྐད་བསྒོ་བ་བྱས་ནས་ནི།། གདུག་པའི་རལ་གྲི་ལག་ཐོགས་ལ།། ཁྲོ་མོ་རྣམས་ཀྱང་དེ་བཞིན་དེ།། སོ
219a4 སོར་གཙོ་བོས་བསྐུལ་བ་ཡིས།། རལ་གྲི་སྟེང་དུ་དུས་གཅིག་ཕྱིར།། གདུག་པའི་མཆེ་བ་གཙིགས་པ་ཡིས།། དེད་དཔོན་ཐམས་ཅད་དྲེད་ཅིང་བརྒྱལ་བར་བྱ།། གདུག་པས་བཅིངས་པ་བཅད་གཏུབ་བསམ།། གཟུགས
219a5 བརྙན་ཀུ་ཤའི་རྩ་ལ་བྱས།། སྣ་ལྔ་ཚོན་སྐུད་ཕྱག་རྒྱ་ཡིས།། གཙུག་ཕུད་ཡན་ལག་ཉིད་ལག་དང་།། དབང་པོ་ཀུན་ནི་བཟུང་ནས་སུ།། ཡུམ་གྱི་ཕྱག་རྒྱས་དགྲོལ་བར་བྱ།། དེ་ནས་ཚོན་སྐུད་དུམ་བུ་རུ།། རལ་གྲིས་རབ
219a6 ཏུ་གཏུབས་བྱས་ལ།། ཀུ་ཤ་གྲངས་ནི་བཅུ་གསུམ་ལ།། དང་པོ་སྙིང་གི་ཕྱོགས་ནས་ནི།། གླས་གང་ཅིག་གིས་བྲིས་ནས་སུ།། གཟུགས་བརྙན་ཅིག་གི་དབུས་སུ་གཞུག། དེ་ནས་ཡོན་བདག་རིགས་གང་གིས།། མཆིལ
iiif viewer powered by OpenSeadragon
