| e-texts navigator |
| Wylie |
218b1 ན་ཚོད་དར་ལ་བབ།། ནུས་དང་ཆགས་པ་ཆེ་བ་དང་།། བཀའ་བློ་བདེ་ཞིང་ཡིད་མི་འཁྲུག། ལུས་རན་ཤ་མདངས་དཀར་དམར་ཕྱེད།། སྐད་སྙན་དྲན་པས་ཡིད་འཕྲོག་མ།། བཅཝ་བརྒྱད་བཅུ་དྲུག་བཅུ་བཞི་དང་།། བཅུ
218b2 གཉིས་ལྡན་པའི་བུ་མོ་ལ།། སྦྱོར་བ་ཚང་ཞིང་རྟགས་བྱུང་ནས།། ཐ་མལ་སྤངས་པའི་སྦྱོར་བ་ཡིས།། ས་ཡ་བཅུ་གསུམ་གཉིས་ལྡན་པའི།། གསང་དབང་འདུས་པའི་ཁམས་ལྔ་ལས།། གསེར་འགྱུར་སྨན་དང་མུན་སེལ
218b3 ལྟར།། ཐབས་དང་ཤེས་རབ་གཉིས་མེད་པའི།། ཉི་མ་ཟླ་བ་རྩེ་ཕྲད་པའི།། མ་ལུས་འདུས་པའི་རྩེ་འཁོར་ལོ།། འབྱུང་འཇུག་གནས་པ་རླུང་དང་འགྲོགས།། ལྡང་བས་ཐ་མལ་ཤེས་པ་འགག། གཡོ་བས་ཉམས་ཉིད་རྩེ
218b4 གཅིག་པ།། སྨོན་པས་ཡིད་གཅིག་འདྲེས་པ་སྟེ།། འཇུག་པ་ཛཿཧཱུཾ་བཾ་ཧོཿསྟེ།། ཤེས་པ་བདེ་བར་འཇུག་པ་ཉིད།། གནས་པས་ཡུན་རིང་གནས་པ་སྟེ།། མཐར་ཕྱིན་འདྲེས་པའི་གར་ཐབས་ཀྱིས།། བརྗོད་བྲལ་ཐིག་ལེའི
218b5 བསྟན་པ་མཚར།། ཐ་མལ་ཞེན་པ་ནུབ་གྱུར་ནས།། ཞེན་པ་ལྡོག་ཅིང་རིག་པ་ཟིམ།། རྣམ་ཤེས་བརྒྱལ་བ་ལ་སོགས་འབྱུང་།། ཡིད་འོང་གཟི་ལྡན་ཕྱག་རྒྱ་མ།། མཐོང་བས་ལུས་སེམས་བདེ་བ་དང་།། ཕྲད་པས་སྡུག
218b6 བསྔལ་ཉམས་པར་འགྱུར།། འདྲིས་པས་བདེ་བ་བརྟན་པོ་འབྱུང་།། ཐབས་དང་ལྡན་པས་སྤྱད་གྱུར་ན།། བསྐལ་པར་སྦྱངས་པས་མི་འབྱོངས་པའི།། རྣམ་རྟོག་ཞེན་པ་ལོག་གྱུར་ནས།། ད་ལྟ་བདེ་བ་ཆེན་པོར
iiif viewer powered by OpenSeadragon
