| e-texts navigator |
| Wylie |
217a1 འགག་པ་མེད།། ཨེ་མའོ་ངོ་མཚར་རྨད་ཀྱི་ཆོས།། རྫོགས་པའི་སངས་རྒྱས་ཀུན་གྱི་གསང་།། གནས་པ་མེད་ལས་ཐམས་ཅད་གནས།། གནས་པ་ཉིད་ལ་གནས་པ་མེད།། ཨེ་མའོ་ངོ་མཚར་རྨད་ཀྱི
217a2 ཆོས།། རྫོགས་པའི་སངས་རྒྱས་ཀུན་གྱི་གསང་།། དམིགས་པ་མེད་ལས་ཐམས་ཅད་དམིགས།། དམིགས་པ་ཉིད་ན་དམིགས་པ་མེད།། ཨེ་མའོ་ངོ་མཚར་རྨད་ཀྱི་ཆོས།། རྫོགས་པའི་སངས་རྒྱས་ཀུན་གྱི
217a3 གསང་།། འགྲོ་འོང་མེད་ལས་འགྲོ་དང་འོང་།། འགྲོ་འོང་ཉིད་ན་འགྲོ་འོད་མེད།། མ་སྐྱེས་རིག་པའི་བྱང་ཆུབ་སེམས།། དངོས་མེད་དངོས་པོའི་རང་བཞིན་དུ།། རྡོ་རྗེ་སེམས་དཔའི་ངོ་བོ་ཉིད།། གཡོ་དང་མི་གཡོར
217a4 བཅས་པ་ཡི།། ཕྱི་ནང་སྣོད་བཅུད་མ་ལུས་ལ།། རང་འབྱུང་སེམས་ཀྱི་དཀྱིལ་འཁོར་ཉིད།། རང་བཞིན་གནས་དང་རྟོགས་པ་དང་།། བསམས་དང་དམིགས་དང་གོམས་པ་ཡི།། སྐུ་གསུང་ཐུགས་ཀྱི་མཚན་མ
217a5 དང་།། ལྷ་དང་ལྷ་མིན་གསང་བ་དང་།། ཤ་ཟ་འབྱུང་པོ་མིའམ་ཅི།། གྲུལ་བུམ་ཡི་དྭགས་ཀླུ་རྣམས་དང་།། རྒྱུ་བའི་སྲོགས་ཆགས་མ་ལུས་དང་།། རྩ་ཤིང་གེལ་པ་འབྲས་བུ་དང་།། ཕུན་སུམ་ཚོགས་པ་མ་ལུས་པ།། མ
217a6 བཅོས་དོན་གྱི་ལྷ་ཉིད་དེ།། བྱང་ཆུབ་སེམས་སུ་ཁྱད་པར་མེད།། ལྷ་ཞེས་གཞན་དུ་བསྟན་པ་ཡང་།། ཚིག་གི་ཐ་སྙད་ཙམ་དུ་ཟད།། བྱང་ཆུབ་སེམས་ལ་གཉིས་མེད་པར།། རྟོགས་པའི་དོན་ལ་གཅིག་ཏུ་བསྟན།། སྙིང
iiif viewer powered by OpenSeadragon
