| e-texts navigator |
| Wylie |
216b1 ནས།། ཁྲོ་བོའི་དཀྱིལ་འཁོར་དེ་བཞིན་ཏེ།། ལས་བཞི་མེ་ཡི་ལས་བྱས་ནས།། རྟོག་ཚོགས་ལྷ་གསུམ་དབྱེར་མེད་པའི།། རང་རང་གནས་སུ་དག་པ་ལ།། སྦྱིན་སྲེག་གླུ་བྲོ་གར་གྱིས་མཆོད།། ལས་ཀྱི་བྱ་བ་ཀུན་ཟིན
216b2 ནས།། ཐིག་ལེ་ཆེན་པོ་དང་ལ་བསྡུ།། དེ་ནས་གཞན་ཡང་བཤད་བྱ་བ།། བྱང་ཆུབ་སེམས་ཀྱི་དཀྱིལ་འཁོར་ཏེ།། མ་ལུས་བྱང་ཆུབ་སེམས་ཉིད་དེ།། དེ་རྟོགས་བྱ་ཕྱིར་བཤད་པར་བྱ།། ཆོས་རྣམས་མ་ལུས་ཐམས་ཅད
216b3 དང་།། དཀྱིལ་འཁོར་མ་ལུས་ཐམས་ཅད་ཀུན།། ཐ་དད་དབྱེ་བ་མི་གནས་ཏེ།། བྱང་ཆུབ་སེམས་ཀྱི་དཀྱིལ་འཁོར་ཉིད།། རང་འབྱུང་མཐོ་དམན་མེད་པ་ཡི།། སྐུ་གསུང་ཐུགས་དང་ལུས་ངག་ཡིད།། མ་ལུས་གཞི་རྩ
216b4 སྙིང་པོ་སྟེ།། རང་འབྱུང་བྱང་ཆུབ་སེམས་ལ་འདུས།། དེ་ཉིད་རང་རིག་འོད་གསལ་བ།། དངོས་པོ་མ་ཡིན་དངོས་མེད་མིན།། གཉིས་ཀ་མ་ཡིན་གཉིས་མེད་མིན།། མཐའ་དབུས་ཆ་ཤས་ཀུན་བྲལ་བའི།། ཟབ་ཅིང
216b5 ཡངས་ལ་རྒྱ་ཆེ་བ།། དེ་བཞིན་གཤེགས་པའི་སྤྱོད་ཡུལ་དེ།། རྟོག་གེ་རྣམས་ཀྱི་ཡུལ་མིན་པས།། གསང་བའི་གསང་བ་བྱང་ཆུབ་སེམས།། ཨེ་མའོ་ངོ་མཚར་རྨད་ཀྱི་ཆོས།། རྫོགས་པའི་སངས་རྒྱས་ཀུན་གྱི
216b6 གསང་།། སྐྱེ་བ་མེད་ལས་ཐམས་ཅད་སྐྱེས།། སྐྱེས་པ་ཉིད་ལས་སྐྱེ་བ་མེད།། ཨེ་མའོ་ངོ་མཚར་རྨད་ཀྱི་ཆོས།། རྫོགས་པའི་སངས་རྒྱས་ཀུན་གྱི་གསང་།། འགག་པ་མེད་ལས་ཐམས་ཅད་འགག། འགག་པ་ཉིད་ན
iiif viewer powered by OpenSeadragon
