| e-texts navigator |
| Wylie |
215b1 འབྲང་མིན།། མཐོང་དང་བརྟན་དང་གོམས་པ་ནི།། རིམ་པ་བཞིན་དུ་གསལ་བས་འབྱུང་།། བརྒྱུད་པ་ལམ་གྱི་རིམ་པ་ཡིས།། མཐར་ཕྱིན་ཉམས་སུ་མྱོང་བར་འགྱུར།། དབང་བསྐུར་ཐབས་ཀྱི་རིམ་པ་ཡིས།། བྱིན
215b2 བརླབས་མན་ངག་ཡིད་ཆེས་བྱ།། འདི་ནི་དབང་གི་དཀྱིལ་འཁོར་ཏེ།། དེ་བཞིན་གནས་སྐབས་གཞན་དུ་ཡང་།། ཐུན་མོང་ཚོགས་ལ་སྦྱང་བའི་ཕྱིར།། འབྱུང་ལྔ་རྒྱུ་དང་བདག་ཉིད་དང་།། མཁའ་དག་བྱིན་བརླབས་སོ།
215b3 སོར་གདོན།། རང་གི་ཆོ་གའི་སྦྱོར་བ་ཡིས།། ཇི་ལྟར་བརྩམས་པ་འགྲུབ་པར་འགྱུར།། བསོད་ནམས་ཚོགས་ཞེས་བྱ་བར་བཤད།། གཞན་ཡང་སྟོབས་ལྡན་རྣལ་འབྱོར་པས།། གང་འདོད་མངོན་དུ་བསྒྲུབ་པའི
215b4 ཕྱིར།། འཆི་མེད་ཚེ་ཡི་དཀྱིལ་འཁོར་དང་།། མཚན་མ་པྲ་ཡི་དཀྱིལ་འཁོར་དང་།། དུག་འཇོམས་བདུད་རྩིའི་དཀྱིལ་འཁོར་དང་།། ཆོ་འཕྲུལ་རོ་ལངས་ལ་སོགས་པ།། གང་བསྒྲུབ་དོན་ཕྱིར་གང་བཤད་པ།། དེ་ཉིད
215b5 བསྒྲུབ་པའི་དཀྱིལ་འཁོར་རོ།། ལས་བཞི་ལྷ་ཡི་རྣལ་འབྱོར་གྱིས།། རིགས་དང་མཐུན་པའི་ས་གཞི་ལ།། ཐབ་ཁུང་སོ་སོའི་མཚན་མ་ཅན།། ཕྲིན་ལས་དཀྱིལ་འཁོར་ཉིད་དུ་བཤད།། སློབ་དཔོན་ནུས་པ་སྟོབས་ལྡན
215b6 པས།། རྡོ་རྗེ་ལུས་སུ་བརྟན་བྱའི་ཕྱིར།། རྒྱང་གྲགས་དཔག་ཚད་ལ་སོགས་པ།། སྐུ་གསུང་ཐུགས་སུ་མངོན་གསལ་བ།། རྣལ་འབྱོར་སྐལ་ལྡན་སྤྱོད་ཡུལ་ཏེ།། ཚོགས་ཀྱི་དཀྱིལ་འཁོར་ཉིད་དུ་བཤད།། དེ་ནས་གཞན
iiif viewer powered by OpenSeadragon
