| e-texts navigator |
| Wylie |
215a1 ཉིད།། དཀྱིལ་འཁོར་ཞུགས་ཤིང་ནུས་ལྡན་ནས།། ཐུགས་རྗེས་འཁོར་བ་བསྒྲལ་བའི་ཕྱིར།། སྐལ་ལྡན་སློབ་མ་གཞུག་པར་བྱ།། དཔལ་ལྡན་རྡོ་རྗེ་སེམས་དཔའ་ཡི།། སྐུ་གསུང་ཐུགས་ཀྱི་འཁོར་ལོ
215a2 ཆེ།། མངོན་དུ་མཐོང་ཞུགས་བསོད་ནམས་གང་།། འདིར་ཞུགས་པ་ཉིད་དེ་བཞིན་ནོ།། གང་དུ་སྐུ་གསུང་ཐུགས་ལྡན་པ།། གང་དུ་མོས་པས་སྤྲོ་བསྐྱེད་ཕྱིར།། རྒྱལ་བ་ཀུན་ཀྱང་འཕྲུལ་མཛད་དེ།། སྒོ་གསུམ་བྱིན་གྱིས
215a3 རློབ་པར་མཛད།། རྣལ་འབྱོར་ཆོ་ག་རྫོགས་པས་ཀྱང་།། གདུལ་བྱ་ཞི་དང་ཁྲོ་བ་ལ།། སོ་སོའི་མཚན་མ་ཉིད་བསྟན་ཕྱིར།། སྐུ་གསུང་ཐུགས་ཀྱི་རྣམ་པ་དག། བྲིས་དང་བརྡུངས་དང་བླུགས་པ་དག། སོ་སོའི་གནས་སུ
215a4 ལེགས་པར་དགྲམ།། མ་ལུས་སྐུ་གསུང་ཐུགས་དཀྱིལ་འཁོར།། འདི་ལས་མ་གཏོགས་ལྷ་གཞན་མེད།། གང་དུ་དབང་དང་འབྲེལ་པ་ནི།། བཅོ་ལྔའི་རིམ་པས་བྱིན་བརླབ་ཕྱིར།། བཞི་དང་བརྒྱད་ཀྱི་དཀྱིལ་འཁོར
215a5 ལ།། ཡབ་ཡུམ་བཅཝ་བརྒྱད་གནས་པར་བྱ།། བཅུ་གཉིས་བཅུ་དྲུག་དཀྱིལ་འཁོར་ལ།། བཞི་བཅུ་གཉིས་དང་ལྡན་པར་བྱ།། ཉི་ཤུའམ་ཉི་ཤུ་རྩ་ལྔ་ལ།། རྒྱས་པའི་ཆོ་ག་རིམ་པར་དགོད།། འདི་དག་ལུགས་དང་འབུར
215a6 དང་བཟོ།། བྲི་དང་སྒོམ་པ་དག་ཀྱང་རུང་།། འདི་ནི་ཕྱི་ཡི་དཀྱིལ་འཁོར་རོ།། ཟབ་མོའི་དབང་གི་དཀྱིལ་འཁོར་ནི།། ཐུན་མོང་ཐུན་མོང་མ་ཡིན་པའི།། སོར་བཞི་མཛུབ་གང་ལ་བརྟེན་ཏེ།། ཕྱི་རོལ་རྣམ་པའི་རྗེས
iiif viewer powered by OpenSeadragon
