| e-texts navigator |
| Wylie |
214b1 ལོངས་སྤྱོད་དང་།། རྫིང་དང་ཆུ་མིག་འབབ་ཆུ་དང་།། མཚེའུ་དང་ཁྲོན་པ་ལུ་མ་དང་།། རི་དང་དེའུ་དང་སྐྱེད་མོས་ཚལ།། ཁོ་ར་ཡུག་དང་ལྷུན་པོ་དང་།། སྐྱེ་བོ་མང་པོ་བྲོ་གླུ་དང་།། ནམ་མཁའི་དབྱིངས་དང་མཉམ་པ
214b2 ཡི།། མཆོད་པ་སྣ་ཚོགས་རྒྱས་པར་མཆོད།། དཔའ་བོ་ཤ་ལྔ་བདུད་རྩི་ལྔ།། བཅུད་དང་རོལ་མོ་སྣང་བ་དང་།། སྣ་ཚོགས་དྲི་དང་བྱུག་པ་མཆོག། དག་ཅིང་ལེགས་པར་དབུལ་བར་བྱ།། ཐར་པ་ལ་སོགས་ཞིང་གི
214b3 མཆོག། དངོས་དང་ལྷ་སྤྱོད་ཏིང་འཛིན་གྱིས།། བསྒྲུབ་བྱ་མ་ལུས་ཀུན་བསྒྲལ་ཏེ།། རྡོ་རྗེ་ཞིང་དུ་བསྐྱེད་པར་བྱ།། ལྷ་མོ་མི་མོ་རིག་པ་མོ།། ཆོ་གའི་སྦྱོར་བ་རང་རྟོག་བཞིན།། དངོས་དང་ཏིང་འཛིན་སྦྱོར་བ་ཡིས།། བདེ
214b4 བ་ཆེན་པོ་རོལ་མོ་ཡིས།། ཕྱི་ནང་ནམ་མཁའི་ཁམས་བཀང་སྟེ།། རིན་ཆེན་ལྷ་མོ་ཡོ་བྱད་དང་།། རེག་པ་ཉམས་མྱོང་བདེ་བ་ཡིས།། རྒྱལ་སྲས་ཞིང་གི་རྡུལ་སྙེད་ལ།། གཉིས་མེད་དག་པའི་ཚུལ་གྱིས་མཆོད།། རོལ་མོ
214b5 གླུ་དབྱངས་བཅས་པ་ཡིས།། དཀྱིལ་འཁོར་རིམ་པ་བསྟོད་པར་བྱ།། རྡོ་རྗེ་གསུམ་གྱི་བཟླས་པ་ཡིས།། མཚན་མ་ལེགས་པར་སྣང་བ་ན།། སྦྱང་དང་བྱིན་བརླབས་དབང་བསྐུར་དང་།། མཆོད་དང་བརྟན་པའི་ཆོ་ག
214b6 དག། རྟོག་པའི་ཆོ་ག་རྒྱས་པར་བྱ།། དཀྱིལ་འཁོར་དེ་ཡི་ཕྱོགས་བཞི་རུ།། རྣམ་བཞི་ལས་ཀྱི་མེ་ཟབ་ལ།། དུས་བཞིར་རང་རང་རྫས་དག་གིས།། ལྷ་བཞི་ཚུལ་གྱིས་མཆོད་པར་བྱ།། དེ་ནས་གནང་ཐོབ་དབང་ཕྱུག
iiif viewer powered by OpenSeadragon
