| e-texts navigator |
| Wylie |
20b1 འཁོར་སྣང་།། ཐབས་ཆེན་ཐབས་ལས་བྱུང་བ་ཡི།། བྱང་ཆུབ་བདེ་མཆོག་ཐིག་ལེ་ཉིད།། མི་ཕྱེད་བདེ་ཆེན་རོ་གཅིག་པ།། སྐལ་ལྡན་དག་པས་མངོན་གྱུར་པ།། སངས་རྒྱས་ཞིང་གི་རྡུལ་སྙེད་དུ།། ཆེ་བའི་ཡོན་ཏན་ཀུན
20b2 སྤྲོ་ཞིང་།། མཛད་པ་སྣ་ཚོགས་རོལ་པར་སྟོན།། མཉམ་ཉིད་དབྱིངས་ལས་གཡོས་པ་མེད།། དབང་ཕྱུག་རྒྱལ་བ་རྒྱ་མཚོ་རྣམས།། སྐུ་གསུང་ཐུགས་ནི་རྡོ་རྗེ་ཡི།། ནམ་མཁའི་དབྱིངས་ཀྱི་མཐའ་ཀླས་པའི།། དགྱེས་ཆེན
20b3 རོ་ཡིས་ཁྱབ་བྱས་ནས།། བདེ་བ་ཆེན་པོའི་ཚོགས་སུ་སྣང་།། རྡོ་རྗེ་སློབ་དཔོན་ཐབས་ལྡན་གྱིས།། ཕ་རོལ་དག་པར་བྱ་བའི་ཕྱིར། སྐབས་གསུམ་དག་ནི་མ་གཏོགས་པར།། བྱང་ཆུབ་སེམས་ནི་འཕྲོ་བ་མིན།། བདེ།
20b4 བའི་ཐིག་ལེ་ཡོངས་རྫོགས་པས།། བཅུ་དྲུག་རྫོགས་པའི་ཚུལ་དུ་གནས།། ཞེས་ཉིད་ལ་ཉིད་བཤད་དོ།། སྒྱུ་འཕྲུལ་དྲ་བ་རྒྱ་མཚོའི་རྒྱུད་ལས།། ཐུགས་ཀྱི་དཀྱིལ་འཁོར་གྱི་ལེའུ་སྟེ་བརྒྱད་པའོ།། །། དེ་ནས
20b5 བཅོམ་ལྡན་དགྱེས་ཆེན་པོས།། རྡོ་རྗེ་གསང་བ་དམ་ཚིག་མཆོག། ངེས་པ་ལས་ནི་གྱུར་པ་ཡི།། དཀྱིལ་འཁོར་ཉིད་ནི་ངེས་པར་བཤད།། གང་དུ་ཕྱི་ནང་སྣོད་བཅུད་དང་།། དབང་པོ་ཡུལ་སེམས་མ་ལུས་པ།། བདེ་ཆེན
20b6 ཞིང་དུ་ཀུན་མཉམ་ཕྱིར།། ས་གཞི་རབ་ཏུ་མཉམ་པར་བྱ།། ཕྲ་བའི་དམ་ཚིག་ལ་གནས་པས།། ཕྱི་དང་ནང་ལ་གོམས་པས་ནི།། སོར་བཞི་མཛུབ་གང་ཚད་དུ་བྱ།། སྦྱངས་དང་དྲི་བསྐྱེད་ཡིད་འཇུག་པའི།། ཆགས་པའི
iiif viewer powered by OpenSeadragon
