| e-texts navigator |
| Wylie |
193a1 འབྱུང་སྟེ།། གསལ་དང་བདེ་བའི་རང་བཞིན་ཅན།། ཐབས་དང་ཐིག་ལེས་དབང་བསྒྱུར་ནས།། ལུས་ཅན་ཀུན་ལ་གསལ་བར་སྐྱེ།། གནས་བཞི་འབྱུང་བའི་དྲངས་མ་ཉིད།། རྟེན་ཅན་བརྟེན་པར་བཅས
193a2 པ་ཉིད།། རང་འབྱུང་ཐིག་ལེ་བདེ་བ་ཉིད།། ཕྱོགས་ཆ་མེད་པར་གསལ་ཁྱབ་པས།། བདེ་བ་ཆེན་པོའི་ལུས་སུ་འགྱུར།། རང་འབྱུང་སྙིང་པོ་དྲངས་མའི་ལུས།། འབྱུང་བ་ཟག་མེད་སྙིང་པོར་ཐིམ།། ཐིག་ལེ་སྤྲོས་པ་མེད
193a3 པ་སྟེ།། ཐམས་ཅད་མ་ལུས་ཁྱབ་པར་སྣང་།། རང་ལུས་རྩ་བཅུད་ཕྱི་ནང་ཀུན།། སྙིགས་མ་དྲངས་མར་སྨིན་བྱས་ཏེ།། དྲངས་མ་ཡེ་ཤེས་སྙིང་པོར་གསལ།། དེ་ཉིད་རྒྱུ་བ་མེད་པ་ཡི།། རང་འབྱུང་ཐིག་ལེ་སྤྲོས་པ
193a4 མེད།། དྭངས་མ་ཟག་མེད་སྟོབས་ལས་སྣང་།། གང་ཕྱིར་སྐྱེས་དང་སྤྲུལ་པ་དང་།། བརྟགས་པའི་གཟུངས་མ་ལས་བྱུང་བ།། དབང་པོ་གཉིས་ནི་བསྲུབས་པ་ལས།། སྐད་ཅིག་བཅུ་དྲུག་མཐའ་ཡི་ཚེ།། ཉི་ཟླ་འདྲེས་པའི
193a5 གར་ཐབས་ལས།། དངོས་པོ་ལྷན་ཅིག་སྐྱེས་པ་གསལ།། སེམས་ལྔ་རྫོགས་པའི་སྙིང་པོ་ཉིད།། བརྗོད་མེད་རང་སྣང་བསྟན་པ་ཉིད།། མ་ལུས་སྐུ་གསུང་ཐུགས་གནས་པ།། འཁྱུད་པའི་གར་གསུམ་བསྡམ་པ
193a6 ཡིས།། གནས་དང་འབྱུང་བ་མ་ལུས་པ།། རང་རིག་ཡེ་ཤེས་གཟུགས་སུ་སྣང་།། ཐབས་དང་ཤེས་རབ་དབྱེར་མེད་པའི།། བྱང་ཆུབ་སེམས་ཀྱི་ཐིག་ལེ་སྟེ།། རྟེན་དང་བརྟེན་པར་བཅས་པ་ཉིད།། རང་ཉིད་གསལ་བར
iiif viewer powered by OpenSeadragon
