| e-texts navigator |
| Wylie |
192a1 ཧ་ལ་ཧཱུཾ་ཕཊ། ཕཊ་ཕཊ་ཕཊ། ཏྲཏ་ཏྲཏ་ཏྲཏ། ཀྲོ་ཊ་ཀྲོ་ཊ་ཀྲོ་ཊ། ཧ་ལ་ཧ་ལ་ཧ་ལ། ཧུ་ལུ་ཧུ་ལུ་ཧུ་ལུ། ཏིཥྛ་ཏིཥྛ་ཏིཥྛ། བནྡྷ་བནྡྷ་བནྡྷ། ད་ཧ་ད་ཧ་ད་ཧ། གྲྀཧྞ་གྲྀཧྞ་གྲྀཧྞ། པ་ཙ་པ་ཙ་པ་ཙ། ཙྪིནྡ་ཙྪིནྡ་ཙྪིནྡ།
192a2 གརྫ་གརྫ་གརྫ། ཧཱུཾ་ཧཱུཾ་ཧཱུཾ། བྷྱོ་བྷྱོ་བྷྱོ། ཕཊ་ཛ་ལ་རཾ། ཞེས་པའི་སྒྲ་ཡིས་ཐམས་ཅད་གང་།། ཇི་སྲིད་ནམ་མཁའི་མཐའ་ཐུག་པར།། རི་དང་གླིང་དང་རྒྱ་མཚོར་བཅས།། འཁོར་ཡུག་སྟོང་གསུམ་འཇིག་རྟེན་བཅས།། མ
192a3 ལུས་གཡོ་ཞིང་སྒྲས་བཀང་སྟེ།། གདུག་པའི་ཚོགས་དེ་འཁོར་བཅས་པ།། གང་གི་དབང་དུ་མ་བཏང་བར།། གདུག་པ་དུས་གཅིག་བཏུལ་བར་མཛད།། དེ་ཚེ་དེ་ཡི་འཁོར་གཡོག་ཀྱང་།། ཞུམ་པས་སྨྲས་ཤིང་གསོལ
192a4 བཏབ་ནས།། རང་སྙིང་ཕུལ་ནས་དམ་མནོས་ཏེ།། དམོད་བཙུགས་རང་གི་ལམ་ལ་བཞག། འབར་བའི་དཀྱིལ་འཁོར་དེ་དག་ཀྱང་།། ལ་ལར་གཏི་མུག་རྨུགས་པར་མཛད།། ལ་ལར་ཆགས་ལ་ཆགས་ཆེན་པོ།། ལ
192a5 ལར་གཡེམ་ལ་གཡེམ་པར་སྟོན།། སྡང་ལ་དྲག་ཤུལ་སྤྱོད་པ་སྟེ།། ང་རྒྱལ་ཅན་ལ་རི་བོས་གནོན།། ཞི་ལས་སློང་དང་ཞི་བ་ཉིད།། གསལ་དང་ཞེ་ལ་གནོན་པ་དང་།། ཆགས་ཁྲོ་དང་ནི་སྡང་ཁྲོ་དང་།། རྨོངས་ཁྲོ་གནོན
192a6 ཁྲོ་ལ་སོགས་པས།། བསྐལ་པ་ཞིང་གི་རྡུལ་སྙེད་དུ།། རང་གི་མཁྱེན་པའི་ཡེ་ཤེས་ཀྱིས།། གདུལ་བའི་ཐབས་ནི་སྣ་ཚོགས་སུ།། སྒྱུ་འཕྲུལ་དྲ་བ་མངོན་རྫོགས་པའི།། ཐུགས་ཀྱི་སྤྲུལ་པ་སྣང་བར་མཛད།། གང་ཕྱིར
iiif viewer powered by OpenSeadragon
