| e-texts navigator |
| Wylie |
191b1 ཕྱོགས་བཅུ་འཇིག་རྟེན་དུ།། ཆོ་འཕྲུལ་བཞི་ལ་སོགས་པ་ཡི།། མཛད་པའི་གར་ཐབས་སྣ་ཚོགས་ཀྱིས།། དྲེགས་པ་ཆེ་དང་དབང་ཕྱུག་དང་།། ཚངས་པ་ཁྱབ་འཇུག་བརྒྱ་བྱིན་དང་།། དྲི་ཟ་གཤིན་རྗེ་གནོད་སྦྱིན
191b2 བཅས།། གདུག་པའི་ང་རྒྱལ་རྒྱུ་འབྲས་ཅན།། རྒྱུ་འབྲས་རྩད་ནས་བཅད་པའི་ཕྱིར།། མ་ལུས་པ་དག་མ་བཏང་བར།། ང་རྒྱལ་ཁྲོ་གཏུམ་ཞུམ་པ་ཡིས།། ཇི་སྐད་སྨྲས་ཀྱང་རང་རང་གི།། ཉོན་མོངས་རྒྱ་མཚོ་མ་སྐམས
191b3 པར།། ཐུགས་རྗེ་ཞེ་ལ་མནན་ཚུལ་གྱིས།། དེ་དག་མངོན་དུ་བཏུལ་བར་མཛད།། ལ་ལར་དཔལ་ཆེན་ཁྲག་འཐུང་སྟེ།། ལ་ལར་རྡོ་རྗེ་ཁྲག་འཐུང་ཉིད།། ལ་ལར་རིན་ཆེན་ཁྲག་འཐུང་སྟེ།། ལ་ལར་པདྨ་དེ་བཞིན
191b4 གཤེགས།། ལ་ལར་སྣ་ཚོགས་ལས་སུ་བཅས།། རང་རང་བཙུན་མོ་ཚོགས་དང་འཁྲིལ།། རིགས་ཀྱི་མཚོན་ཆ་སྣ་ཚོགས་འཛིན།། མདོག་དང་ཆ་ལུགས་དེ་བཞིན་ཏེ།། དེ་བཞིན་སྲས་དང་བཀའ་ཉན་དང་།། ཕོ་ཉ་ཡང
191b5 སྤྲུསྦྲུལ་ལ་སོགས་པ།། རྡོ་རྗེ་བ་སྦུ་བུ་ག་ནས།། ཕོ་ཉ་བྱེ་བ་དྲུག་ཅུ་དག། ཕྱོགས་བཅུ་ཀུན་དུ་རྒྱས་བཀྱེ་སྟེ།། ནམ་མཁའི་ཁམས་དང་མཉམ་པ་ཡི།། གདུག་པའི་ཚོགས་ནི་དེ་དག་ཀུན།། མ་ལུས་དུས་གཅིག་བཏུལ་ནས
191b6 ནི།། ཕྱིར་མི་ལྡོག་པའི་ས་ལ་བཀོད།། དེ་དག་གསུང་ཡང་སྣ་ཚོགས་ཏེ།། སྤྲུལ་པ་འགྱེད་པས་གསུང་གཅིག་ཏུ།། ཁམས་གསུམ་སྒྲ་ཡིས་གང་བར་མཛད། ཧཱུཾ་ཧཱུཾ་ཧཱུཾ་བི་ཤྭ་ཀྲོ་དྷ་ཛྭ་ལཱ་མཎྜ་ལ་ཕཊ་ཕཊ་ཕཊ། ཧ་ལ་ཧ་ལ
iiif viewer powered by OpenSeadragon
