| e-texts navigator |
| Wylie |
191a1 མ་བསྒྲིབས་གསལ་བ་ཡིས།། ནམ་མཁའ་དབྱིངས་ལྟར་གསལ་མཁྱེན་པ།། དུས་གསུམ་ཆོས་དང་འགྲོ་བ་དང་།། ཞིང་ཁམས་རྒྱལ་བ་དཔག་མེད་དང་།། རི་དང་རྒྱ་མཚོ་རྡུལ་བཅས་པ།། སྔ་ཕྱི་མ
191a2 བསྒྲིབས་ད་ལྟ་ཉིད།། མེ་ལོང་ལྟ་བུར་མངོན་དུ་སྣང་།། དཔལ་ལྡན་ནམ་མཁའི་དཀྱིལ་འཁོར་དུ།། ཡེ་ཤེས་ལྔ་ཡིས་ཀུན་ཁྱད་ཅན།། ཀུན་མཁྱེན་སྟོབས་བཅུ་མཐའ་ཐུག་མེད།། ནམ་མཁའི་དབང་ཕྱུག་བདེ་ཆེན
191a3 པོ།། མངོན་ཤེས་རྒྱ་མཚོ་ཕ་རོལ་བྱོན།། ཤེས་བྱའི་དཀྱིལ་འཁོར་ཐམས་ཅད་ཀུན།། སད་དང་སངས་པའི་བདག་ཉིད་ཅན།། ཐོག་མ་ཐ་མ་མེད་པའི་བདག། བདེ་བ་ཆེན་པོ་སྒྱུ་མ་ཉིད།། རང་འབྱུང་ཐུགས་ལས་གཞན
191a4 པ་མིན།། འདི་ནི་རྒྱལ་བ་ཐམས་ཅད་ཀྱི།། སྐུ་གསུང་ཐུགས་ཀྱི་རང་བཞིན་ཏེ།། གདུལ་བྱ་གང་གི་ངོ་དག་ཏུ།། སྣ་ཚོགས་མངོན་པར་འཕྲུལ་པ་ཡིན།། གང་དུ་ཁྲོ་གཏུམ་གདུག་ལྡན་པའི།། སྲིད་གསུམ་དྲེགས་པའི
191a5 བདག་པོ་དག། ཐུགས་རྗེ་ཁྲོས་པས་གདུལ་བའི་ཕྱིར།། ཁྲོ་བོའི་དེ་བཞིན་གཤེགས་པར་མཛད།། སྐུ་ནི་རི་རབ་ལྟ་བུ་ཉིད།། ཞབས་དང་ཕྱག་ནི་རྡུལ་སྙེད་དེ།། གང་དེ་གདུལ་བའི་ཁྱད་པར་གྱིས།། ཞལ་གསུམ་ཕྱག
191a6 དྲུག་ཞབས་བཞི་དང་།། དབུ་དགུ་བཅཝ་བརྒྱད་ཕྱག་ལ་སོགས།། ཉི་ཤུ་རྩ་གཅིག་དབུ་ལ་སོགས།། དེ་བཞིན་གཡོ་རྡུལ་མི་གཡོ་བའི།། ཕྱག་ཞབས་ཞལ་ཡང་དེ་བསྐྱེད་དེ།། མཚོན་ཆ་སྣ་ཚོགས་འཛིན་པ་དེས།། ཇི་སྙེད
iiif viewer powered by OpenSeadragon
