| e-texts navigator |
| Wylie |
190b1 དང་།། ཁོ་ར་ཡུག་དང་ལྷུན་པོ་དང་།། འབབ་ཆུ་ལྟེང་ཀ་མཚེའུ་བཅས།། དེ་ན་གནས་པའི་འགྲོ་བ་རྣམས།། རང་རང་ལོངས་སྤྱོད་བདེ་སྡུག་བཅས།། ཕྱི་ནང་སྣོད་བཅུད་བཅས་པ་རྣམས།། མ་ལུས་གཡོ་ཞིང་ལྡེག་པར
190b2 བྱེད།། སྒྲ་བོ་ཆེ་ཡང་སྒྲོགས་པར་བྱེད།། དེ་དག་སྦྱངས་ནས་མི་གནས་པར།། གསུང་གི་ངོ་བོར་བྱིན་བརླབས་ཏེ།། དེ་དག་སྟོང་ཉིད་ལ་ཐིམ་པས།། མ་ལུས་སྟོང་པ་ཉིད་དུ་འགྱུར།། ཨ་ནི་སྟོང་དང་མི་སྟོང་གི།། དབུ་མ
190b3 དམིགས་སུའང་ཡོད་མ་ཡིན།། ཇི་སྙེད་སྣང་གྲགས་ཆོས་རྣམས་ཀུན།། ཡི་གེ་ཕྲེང་བ་ཉིད་ལ་གནས།། གང་ཕྱིར་དེ་ཡི་རང་བཞིན་ཡང་།། རང་བཞིན་ཆོ་འཕྲུལ་ཏིང་འཛིན་དང་།། གསང་བ་བྲིས་པར་གང་སྣང
190b4 བ།། རིག་པའི་ཁྱད་པར་སྣང་བ་ཡིན།། རྩ་བ་དང་ནི་རྒྱན་ཞེས་དང་།། ལྷ་ཡི་ཡི་གེ་མངོན་སྣང་བས།། རང་བཞིན་སྐུ་གསུང་ཐུགས་ཉིད་དེ།། ཁྱབ་པའི་ཚུལ་གྱིས་མ་ལུས་སྣང་།། གང་དུ་ཐུགས་རྗེ་བྱིན་བརླབས
190b5 དང་།། ཏིང་འཛིན་རིག་པའི་ཆོ་འཕྲུལ་ཏེ།། རང་རང་ཁྱད་པར་མངོན་སྣང་ཡིན།། འདི་དག་རང་བཞིན་སྣ་ཚོགས་པ།། གང་དུ་ཇི་ལྟར་གནས་པ་ཀུན།། ཡི་གེར་མ་གྱུར་མེད་པར་གནས།། རྒྱལ་བ་སངས་རྒྱས་ཐམས
190b6 ཅད་ཀྱི།། ཡེ་ཤེས་རྒྱ་མཚོའི་གསང་བའི་ཐུགས།། མཐར་ཐུག་མེད་པའི་ནམ་མཁའ་བཞིན།། ཟག་མེད་རྒྱས་པས་ཀུན་ཁྱབ་ཅན།། ཤེས་བྱའི་དཀྱིལ་འཁོར་མཐའ་ཡས་པ།། གཅིག་དང་དུ་མ་མེད་ཚུལ་གྱིས།། ཡེ་ཤེས
iiif viewer powered by OpenSeadragon
