| e-texts navigator |
| Wylie |
18a1 ཉིད།། ཇི་ལྟར་འཚམས་པའི་ཚུལ་དུ་སྣང་།། སངས་རྒྱས་ཀུན་གྱི་གསུང་ཉིད་ནི།། མ་ལུས་ཀུན་དང་དབྱེར་མེད་པས།། རྟོགས་དང་བསྒོམ་དང་བརྗོད་པ་ཡི།། བྱིན་རླབས་སྐྱོབ་པས་སྔགས་སུ
18a2 བརྗོད།། རྒྱུད་ཆེན་སྒྱུ་འཕྲུལ་དྲ་བ་ལས།། ཐོག་མཐའ་མེད་པའི་བྱང་ཆུབ་སེམས།། གསུང་མཆོག་ཕྱག་རྒྱ་མཐའ་ཡས་པ།། མ་ལུས་འདུས་པའི་ངོ་བོ་ཉིད།། ཇི་སྙེད་ཕྱོགས་བཅུའི་འཇིག་རྟེན་དུ།། ཆོས་ཀྱི་ཕུང་པོ
18a3 དཔག་མེད་པ།། འདུལ་བའི་ཐབས་སུ་གསུངས་པ་ཡང་།། སྒྱུ་འཕྲུལ་དྲ་བའི་གསུང་དུ་འདུས།། ཟབ་མོ་རྟེན་ཅིང་འབྲེལ་འབྱུང་བའི།། རིན་ཆེན་རྒྱ་མཚོའི་རྒྱུད་ཆེན་འདི།། སྐུ་གསུང་ཐུགས་དང་བྱ་བ་དང་།། སྤྱོད་དང
18a4 རྣལ་འབྱོར་རྒྱུད་ཆེན་རྣམས།། མ་ལུས་འདུས་པའི་སྙིང་པོར་གནས།། སངས་རྒྱས་ཀུན་གྱི་བྱིན་བརླབས་པའི།། རང་བྱུང་གསུང་ཉིད་རང་སྣང་བས།། བསྟན་པ་རྒྱ་མཚོའི་རང་བཞིན་ཏེ།། ཐུགས་རྗེས་གདུལ་བྱའི་དོན
18a5 དུ་སྣང་།། ཞེས་ཉིད་ལ་ཉིད་བརྗོད་དོ།། སྒྱུ་འཕྲུལ་རྒྱ་མཚོའི་རྒྱུད་ལས།། གསུང་གི་དཀྱིལ་འཁོར་མངོན་དུ་ཕྱུང་བའི་ལེའུ་སྟེ་བདུན་པའོ།། །། དེ་ནས་བཅོམ་ལྡན་དགྱེས་ཆེན་པོས།། ལུས་རྟོག་ཕུང་པོར་བཅས་པ
18a6 རྣམས།། བདེ་ཆེན་ལྷུན་གྲུབ་བྱིན་བརླབ་ཕྱིར།། ཐུགས་ཀྱི་དཀྱིལ་འཁོར་བཤད་པར་མཛད།། ཐབས་དང་ཤེས་རབ་རང་བཞིན་ནི།། སྒྱུ་འཕྲུལ་དྲ་བའི་མཚན་ཉིད་དོ།། བདེ་ཆེན་ཐིག་ལེར་མངོན་རྫོགས་པ།། ཕྱི་ནང
iiif viewer powered by OpenSeadragon
