| e-texts navigator |
| Wylie |
189b1 ཏེ།། ལོངས་སྤྱོད་རྫོགས་པའི་རང་བཞིན་ཉིད།། དེ་ཉིད་ཐིག་ལེ་ཕྲ་རགས་པར།། སྣང་བའི་མཛད་པ་བསམ་མི་ཁྱབ།། དེ་ཡིས་དེ་འདུལ་སྣང་བའི་རྒྱུ།། སྤྲུལ་པ་རང་བཞིན་ཞེས་བཤད་དོ།། གང་འདིར་ཕུང་པོ་འབྱུང
189b2 བ་དང་།། རྣམ་ཤེས་དབང་པོ་ཡུལ་དུས་དང་།། ཉོན་མོངས་རྟག་ཆད་ཡིད་ཆོས་བཅས།། གང་ལ་མངོན་པར་མི་སྣང་ཡང་།། རང་བཞིན་མ་བཅོས་དཀྱིལ་འཁོར་ཏེ།། ཀུན་ལ་ཁྱབ་པར་སྣང་བ་ཡིན།། རང་སྙིང་དྲངས
189b3 མ་ལྔར་ལྡན་པ།། དྲངས་མའི་ཕུང་པོ་འབྱུང་བ་དང་།། དབང་པོའི་ཡུལ་དུ་བཅས་པ་ཡི།། རྩ་བཅུད་ཐིག་ལེར་བཅས་པ་ཉིད།། སྐུ་གསུང་ཐུགས་སུ་རང་སྣང་བ།། མ་ལུས་ཀུན་ལ་རྒྱས་བཏབ་བོ།། བཅུད་འདུས་ཐིག
189b4 ལེ་ཆེན་པོ་ཉིད།། ཉི་ཟླ་འདྲེས་པའི་རང་བཞིན་ཉིད།། བདེ་བའི་ཐིག་ལེ་རང་སྣང་བ།། མ་ལུས་འདུས་པའི་ཚུལ་དག་གིས།། ཐབས་ཀྱིས་མངོན་དུ་གྱུར་ན་ཡང་།། གཉིས་མེད་ཐིག་ལེ་བདེ་བའི་རོ།། འགྲོ་བ་ཀུན་ལ
189b5 རང་བཞིན་སྣང་།། དེ་དག་ཡབ་ཡུམ་སྐུ་གསུང་ཐུགས།། རྩ་བཅུད་ཐིག་ལེར་བཅས་པ་ཉིད།། འདུ་འབྲལ་མེད་པར་ཡེ་གནས་པའོ།། གང་ཕྱིར་རྒྱལ་བ་ཐམས་ཅད་ཀྱི།། ཟག་མེད་ཡེ་ཤེས་རང་སྣང་བ།། དཔག་མེད
189b6 ཡོན་ཏན་རྒྱ་མཚོ་ཉིད།། ཡེ་ཤེས་འོག་མིན་ཕོ་བྲང་སྟེ།། ཟག་མེད་ཡོན་ཏན་རྒྱན་ལྡན་པའི།། འཁོར་ལོ་འབར་བའི་ཕོ་བྲང་དབུས།། མི་འཇིགས་ཕུང་པོའི་གདན་སྟེངས་ན།། བདག་པོ་ཀུན་བཟང་འཁོར་ལོ
iiif viewer powered by OpenSeadragon
